ۋكراينادا اتى-ءجونىڭدى وزگەرتىپ ايفون 7 الۋعا بولاتىن اكسيا ءوتىپ جاتىر

استانا. قازاقپارات - ۋكراينالىق «اللو» ەلەكترونيكا دۇكەنى بايقاۋ ۇيىمداستىردى.

باس جۇلدە قارا ءتۇستى iPhone 7.

بۇل تۋرالى كومپانيا سايتىندا جانە الەۋمەتتىك جەلىلەردە حابارلادى.

ەسىمىن سيم (Ciм) تەگىن «ايفون» قىلىپ وزگەرتىپ ونى قۇجاتىمەن دالەلدەگەن العاشقى بەس ادام ءبىر گريۆناعا (12,84 تەڭگە) اتالمىش سمارتفون بەرىلەدى.

ناۋقان 2016 -جىلدىڭ 17 -قازانىنان باستالادى، بەس جەڭىمپازعا تەلەفون بەرىلگەنگە دەيىن جالعاسادى. iPhone الۋ ءۇشىن اتى-ءجونىن وزگەرتكەندەردىڭ ۋكراينالىق ازاماتتىق بولۋى شارت.

قاتىسۋشى جاڭا تولقۇجاتىمەن سۋرەتكە ءتۇسىپ، تەلەفون ءنومىرىن كورسەتىپ، دۇكەنگە قۇجاتتارىمەن كەلۋى كەرەك.