مايك تايسون تۋرالى 7 قىزىقتى دەرەك
1. بوكسقا قالاي كەلدى؟
اتاقتى بوكسشى كاسىبي مانسابىن مۇحاممەد اليمەن وتكەن كەزدەسۋدەن كەيىن باستايدى. مايك تايسون تۇرمەدە جاتقان كەزىندە بالالارعا دۇرىس باعىت- باعدار بەرۋ ءۇشىن ارنايى ايگىلى سپورتشىمەن كەزدەسۋ وتەدى. سول كەزدەسۋدەن العان اسەرىنەن كەيىن تايسون ءوزىنىڭ شارشى الاڭ ءۇشىن جارالعان جان ەكەنىن سەزىنەدى.
ونىڭ رينگتە كورسەتكەن ونەرلەرى وتە كەرەمەت. 51 جەكپە- جەك وتكىزىپ، سونىڭ 24 ىن ءبىرىنشى راۋندتا نوكاۋتپەن اياقتادى. ءتىپتى ءبىر جەكپە- جەگىندە العاشقى 91 سەكۋندى ءۇشىن 20 ميلليون ا ق ش دوللارىن العان. ول كەزدە مايكل سپينكستى نوكاۋتقا تۇسىرگەن ەدى.
2. قارسىلاسىن نوكاۋتقا جىبەرۋ ءۇشىن 8 سەكۋند جەتكىلىكتى بولدى.
مايكتىڭ ەرەكشە ەستە قالعان شايقاستارىنىڭ ءبىرى - جاسوسپىرىمدەر اراسىندا وتكەن العاشقى وليمپياداداسى. ول 1982 -جىلى وتكەن بولاتىن. سول جۇدىرىقتاسۋىندا تايسونعا قارسىلاسىن نوكاۋتقا جىبەرۋى ءۇشىن نەبارى 8 سەكۋند قانا جەتكىلىكتى بولدى. سونىمەن قاتار ول 11 جاسىندا 100 كيلوگرامم سالماقتى قۇرايتىن زىلتەمىردى كوتەرەتىن قارا كۇشكە يە بولعان. ول قازىرگى تاڭداعى اۋىر اتلەتيكامەن اينالىساتىن سپورتشىلارعا دا ۇلكەن كورسەتكىش بولىپ ەسەپتەلەدى.
3. جاس جەڭىمپاز.
ودان كەيىنگى جەتىستىگى - تايسوننىڭ كاسىبي رينگتە ەڭ جاس چەمپيون اتانۋى. ول 20 جاسىندا بارلىق بوكس تاريحىندا ەڭ جاس چەمپيون اتانسا، 21 جاسقا تولعاندا كۇللى الەمدى مويىنداتقان ءسوزسىز جەڭىمپاز بولدى. ال بالا كەزىندە مايك ءوزىن رەنجىتەتىن بالالارعا قارسىلىق تا كورسەتە المايتىن بولعان.
4. ەڭ قىسقا جەكپە- جەگى.
كاسىبي دەڭگەيدەگى جەكپە- جەكتىڭ بىرىندە مايك شارشى الاڭدا وتىز- اق سەكۋند ونەر كورسەتتى. بۇل كەزدەسۋ 1986 -جىلى ءوتتى. وندا مايك تايسون تانىمال دجو فرەيزەردىڭ ۇلى مارۆيس فرەيزەردى نوكاۋتقا ءتۇسىردى. ول ءوزىنىڭ قارسىلاسىنا مۇلدەم مۇمكىندىك بەرمەي، ءبىر بۇرىشقا قىسىپ، وڭ قولىمەن يەك استىنان جوعارى قاراي باعىتتالعان (اپپەركوت) سوققى جۇمساپ، ارتىنشا تاعى بىرنەشە جويقىن سوققىلار جاساپ ۇلگەردى. مۇنداي شابۋىلعا شىداماعان فرەيزەر بىردەن نوكاۋتقا قۇلادى.
5. ۇستاز جولىن جالعاستىرۋشى.
تۇرمەدە جاتقان كەزدە تايسون ءوزى ءپىر تۇتقان مۇحاممەد ءالي سەكىلدى يسلام ءدىنىن قابىلدايدى. ونىڭ يسلامداعى اتى - مالىك ابدۋل ازيز. الايدا سپورتشىنىڭ بۇل اتىن كوبى بىلە بەرمەيدى. ويتكەنى ونى ءبارى مايك تايسون دەپ تانيدى. وعان قاراماستان ول 2010 -جىلى مەككەگە قاجىلىق وتەۋگە بارىپ، سونداعى مەشىتتىڭ سالىنۋىنا 250 مىڭ دوللار اقشا اۋداردى. جالپى مايك ومىردە وتە اقكوڭىل ادام.
6. ونىڭ تۇمارى - تاتۋيروۆكالارى.
تايسون ءوزىنىڭ ەڭ سەنىمدى تۇمارىم دەپ تاتۋيروۆكالارىن ايتادى. ولار كاسىبي بوكسشى دا از ەمەس. ءبىرىنشىسى - سول جاق بىلەگىندە ورنالاسقان. وندا ونىڭ ەكىنشى ايەلى بەينەلەنگەن. ال وڭ جاق يىعىندا امەريكاندىق تەننيسشى ارتۋر ەش تۇرسا، سول جاق بىلەگىندە ايداھاردىڭ سۋرەتى سالىنعان. سونىمەن قاتار سپورتشى جاۋىرىنىنا ماۋ زىدۇڭنىڭ، ال تومەنگى قابىرعاسىنا چە گيەۆارانىڭ بەينەسىن سالدىرتقان.
7. تايسوننىڭ ءۇش ايەلى.
بوكسشى وسى كۇنگە دەيىن ءۇش رەت نەكەسىن قيدىرىپ ۇلگەردى. ءبىرىنشى جارى پلەيبول جۋرنالىنا جالاڭاش سۋرەتكە ءتۇسىپ، امەريكالعا اتى شىققان - روبين گيۆەنس. ول 1995 -جىلى Empire Magazine جاساعان رەيتينگتە الەمنىڭ ەڭ تارتىمدى 100 ايەلىنىڭ ءبىرى بولعان. ءبىراق بۇل جۇپتىڭ ماحابباتت حيكايالارى ۇزاققا بارماي، ءبىر جىلدان كەيىن اجىراستى. ودان كەيىن مايك مونيكا تەرنەر دەگەن بالا دارىگەرىن تاڭدادى. سپورتشى ونىمەن بەس جىل بىرگە بولدى. ال ءۇشىنشى ايەلى - لاتيحا سپايسەر. ول قازىر ونىمەن ولار باقىتتى دا، باياندى عۇمىر كەشىپ جاتىر، دەپ جازادى massaget.kz.