نەپالداعى جەر سىلكىنىسى قۇرباندارىنىڭ سانى 7 مىڭنان استى
بۇدان بۇرىن 6621 ادامنىڭ كوز جۇمىپ، 14023 ءىنىڭ زارداپ شەككەنى حابارلانعان بولاتىن.
سەنبى كۇنىنىڭ مالىمەتتەرى بويىنشا «قۇرباندار سانى 7045 ادامعا جەتتى، 14397 ادام جاراقاتتانعان» دەپ حابارلادى CNN تەلەارناسى نەپالدىڭ توتەنشە جاعدايلار جونىندەگى جەدەل ورتالىعىنا سىلتەمە جاساپ.
نەپال بيلىگى ءۇيىندى استىنان ءتىرى قالعانداردى تابۋعا ءۇمىتىن ءۇزىپ وتىر. «ەگەر ءبىز ءتىرى قالعان بىرەۋلەردى تاۋىپ الساق، كەرەمەت بولار ەدى. ءبىراق تا ءبىز ولاردى ىزدەستىرۋدى ودان ءارى جالعاستىرامىز»، - دەپ تەلەارنا جەرگىلىكتى ءى ءى م وكىلى لاكسمي دحاكالدىڭ مالىمدەمەسىن كەلتىرگەن.
نەپالدا تەربەلىسى 7,9 باللعا جەتكەن جويقىن ءزىلزالا 25- ءساۋىر كۇنى تاڭەرتەڭ بولدى. ونىڭ كىندىگى ەل استاناسى كاتماندۋدان سولتۇستىك-باتىسقا قاراي 82 شاقىرىم جەردە، 15 شاقىرىم تەرەڭدىكتە بولدى. بۇدان كەيىن كۇندىز نەپالدا بىرنەشە جەراستى ءدۇمپۋى بولىپ، ونىڭ ەڭ قۋاتتىسىنىڭ كۇشى 6,7 باللعا جەتتى.
