الەمدەگى ميلليونەرلەردىڭ جالپى بايلىعى 79,6 تريلليون دوللارعا جەتتى
بۇل تۋرالى Capgemini SA- نىڭ World Wealth Report ەسەبىندە ايتىلدى.
ءبىر جىل ىشىندە اۋقاتتى ادامداردىڭ سانى (high-net-worth individual، HNWI) 6,3 پايىزعا ءوسىپ، 20,8 ميلليونعا جەتتى. ميلليونەرلەر بايلىعىنىڭ وسۋىنە 2020-جىلى قور نارىعىنىڭ ەداۋىر ءوسۋى اسەر ەتتى.
- ميلليونەرلەر سانى جانە ولاردىڭ جالپى بايلىعى بويىنشا ازيا-تىنىق مۇحيتى ايماعىندا 5 جىلدىق كوشباسشىلىقتان كەيىن، سولتۇستىك امەريكا 2020-جىلى تاعى دا كوشباسشىلىققا كوتەرىلدى. ايماقتاعى ميلليونەرلەر سانى ءبىر جىلدا %10,7 ءوسىپ، 7 ميلليونعا، ال، ولاردىڭ جالپى بايلىعى %11,9 ءوسىپ، 24,3 تريلليون دوللارعا جەتتى؛
- ەكىنشى ورىنداعى ازيا-تىنىق مۇحيتى ايماعىندا ميلليونەرلەر سانى جىلداعىدان %5,8 عا ءوسىپ، 6,91 ميلليونعا، ولاردىڭ جالپى بايلىعى %8,4 عا ءوسىپ، 24 تريلليون دوللارعا جەتتى؛
- ەۋروپادا اۋقاتتى ادامدار سانى %2,8 (5,4 ميلليون)، تاياۋ شىعىستا %6,8 (0,81 ميلليون)، افريكادا %2,7 (0,18 ميلليون)، ال لاتىن امەريكاسىندا %4 ءوستى (0,6 ميلليون)؛
- ەۋروپاداعى ميلليونەرلەردىڭ جالپى بايلىعى %4,5- عا (17,5 تريلليون دوللار)، تاياۋ شىعىستا %10,7 (3,2 تريلليون دوللار)، افريكادا %3,8 (1,7 تريلليون دوللار) جانە لاتىن امەريكاسىندا %0,5 (8,8 تريلليون دوللار) ءوستى؛
- وتكەن جىلى ا ق ش ميلليونەرلەر سانى بويىنشا الەمدە كوش باستادى. ەلدەگى ميلليونەرلەر سانى وتكەن جىلمەن سالىستىرعاندا %11,3 ءوسىپ، 6,575 ميلليونعا جەتتى. ودان كەيىنگى ورىنداردى جاپونيا (3,537 ميلليونەر، ءوسىم %6,2)، گەرمانيا (1,535 ميلليون ميلليونەر، ءوسىم %6,9) جانە قىتاي (1,461 ميلليون ميلليونەر، ءوسىم %11) ءبولىستى. الەمدەگى ميلليونەرلەردىڭ %62,9- ى وسى 4 ەلگە تيەسىلى؛
- رەسەيدە ميلليونەرلەر سانى 2020-جىلى 3 كە كوبەيىپ، 218 ادامعا جەتتى؛
- سونىمەن بىرگە، ۇلى بريتانيادا ميلليونەرلەر سانى 591 دەن 573 كە، كۋۆەيتتە 207 دەن 205 كە، برازيليادا 199 دان 186 عا دەيىن تومەندەدى.
رەيتينگتەگى العاشقى جيىرما بەستىكتىڭ ىشىندە وسى ءۇش ەلدە عانا ميلليونەرلەر سانى ازايعان؛
يلون ماسكتىڭ بايلىعى ءبىر جىل ىشىندە 100 ميلليارد دوللارعا كوبەيىپ، الەم بايلارى ىشىندە ەكىنشى ورىنعا كوتەرىلدى
2021-جىلى 1-توقسانىندا ميلليونەرلەردىڭ %30 بايلىعى اكسيالاردا، %24 قاعاز اقشا مەن ولاردىڭ بالامالارىندا، %18 نەگىزگى كىرىستەر اكتيۆتەرىندە، %15 جىلجىمايتىن مۇلىكتىڭ جانە %14 باسقادا بولعان.
دۇنيەجۇزىلىك بايلىق تۋرالى ەسەپتە 71 ەلدىڭ دەرەكتەرى پايدالانادى، ولاردىڭ ۇلەسىندە دۇنيەجۇزىلىك ج ءى ءو- ءنىڭ %98 جانە دۇنيەجۇزىلىك قور نارىق كاپيتاليزاتسياسىنىڭ %99 بار.
massaget.kz
