بيىل «مەرەيلى وتباسى» ۇلتتىق بايقاۋىنا قاتىسۋشىلاردىڭ 77 پايىزى اۋىلدىق وتباسىلار

استانا. قازاقپارات - قازاقستان رەسپۋبليكاسىنىڭ مەملەكەتتىك حاتشىسى، قازاقستان رەسپۋبليكاسىنىڭ پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ءابدىقالىقوۆا «مەرەيلى وتباسى» ۇلتتىق بايقاۋىنىڭ رەسپۋبليكالىق كەزەڭىن وتكىزۋ ماسەلەسى جونىندە كەڭەس وتكىزدى.

بۇل تۋرالى اقوردانىڭ باسپا ءسوز قىزمەتى حابارلادى.

مەملەكەتتىك حاتشى ەلباسىنىڭ باستاماسىمەن ۇيىمداستىرىلىپ كەلە جاتقان «مەرەيلى وتباسى» ۇلتتىق بايقاۋى قوعامداعى نەكە جانە وتباسى ينستيتۋتىن نىعايتۋ، رۋحاني-ادامگەرشىلىك تاربيە بەرۋ ماسەلەلەرىنە مەملەكەتتىڭ مۇددەلىگى ارتا تۇسكەنىنىڭ جارقىن كورىنىسى ەكەنىن اتاپ ءوتتى.

بۇل رەتتە بايقاۋدىڭ ساپالى، جوعارى ۇيىمداستىرۋشىلىق دەڭگەيدە ءوتۋى ءۇشىن ورتالىق جانە جەرگىلىكتى ورگانداردىڭ ءىس-قيمىلىن ءوزارا ۇيلەستىرۋ، بايقاۋدى اقپاراتتىق تۇرعىدان كەڭ اۋقىمدا جاريالاپ-كورسەتۋ قاجەت.

بۇگىندە «مەرەيلى وتباسى» ۇلتتىق بايقاۋىنىڭ رەسپۋبليكالىق كەزەڭىن دايىنداۋ جانە اقپاراتتىق جاريالاپ-كورسەتۋ باعىتىنداعى ءىس-شارالار جوسپارى بەكىتىلگەن.

وڭىرلەردەگى بايقاۋ قورىتىندىلارى 2015-جىلى «مەرەيلى وتباسى» ۇلتتىق بايقاۋىنا قاتىسۋشى وتباسىلار سانى 1,7 ەسە كوبەيگەنىن كورسەتتى. قاتىسۋشىلاردىڭ جالپى سانىنىڭ %77 دان استامى (1767) - اۋىلدىق جەرلەردە تۇراتىن وتباسىلار (2014-جىلى %16 بولعان). وتكەن جىلمەن سالىستىرعاندا، كوپبالالى وتباسىلار ەكى ەسە، جاس وتباسىلار ءبىر جارىم ەسە كوپ قاتىستى.

ەڭبەكتەگى 319 وتباسىلىق اۋلەت، 19 ەتنوس جۇرتشىلىققا كەڭىنەن كورسەتىلدى. بۇل وتباسىلار قاستەرلەيتىن باستى قۇندىلىقتار - پاتريوتتىق سەزىم، ۇلكەنگە قۇرمەت، رۋحاني- ادامگەرشىلىك قاسيەتتەر جانە ولاردى ۇرپاقتان ۇرپاققا جەتكىزۋ. وتباسىلاردىڭ ءار وكىلى - ەڭبەك ادامى، اۋىلدىڭ نەمەسە قالانىڭ قاراپايىم ەڭبەككەرى.

سوڭىندا گ. ءابدىقالىقوۆا «مەرەيلى وتباسى» لاۋرەاتى اتاعى ءۇشىن س م س- حابارلاما مەن ينتەرنەت ارقىلى داۋىس بەرۋدىڭ بارلىق ۇيىمداستىرۋشىلىق ماسەلەلەرىن ساپالى جۇزەگە اسىرۋ قاجەتتىگىن اتاپ ءوتتى، سونداي-اق ءتيىستى مەملەكەتتىك ورگاندارعا ءبىرقاتار ناقتى تاپسىرما بەردى.