قازاقستاندىقتار ۆيزاسىز 76 ەلدى ارالاي الادى
يندەكستە 2018 -جىلدىڭ ءتورتىنشى توقسانىندا جاپونيانىڭ پاسپورتى ەڭ «ءموبيلدى» ەكەنى كورسەتىلگەن. بۇل يندەكستەگى ەڭ جوعارعى رەكوردتىق كورسەتكىش، دەپ جازادى Zakon.kz.
ءۇش اي بۇرىن جاپونيا مەن سينگاپۋر ءبىرىنشى ورىندا تۇردى. جاپوندار ميانماعا ۆيزاسىز كىرە الاتىن بولعاندىقتان، ءبىرىنشى ورىنعا شىقتى. سينگاپۋر ەكىنشى ورىنعا ءتۇستى. بۇعان دەيىن كوش باستاپ تۇرعان گەرمانيا ءۇشىنشى ورىندا. وڭتۇستىك كورەيا مەن فرانسيا دا وسىنداي كورسەتكىشكە يە. ءتورتىنشى ورىندا دانيا، يتاليا، يسپانيا، فينليانديا، شۆەتسيا ەلى تۇر.
قازاقستان ءۇش ايدا ءۇش ساتىعا، 69 - ورىننان 66 - ورىنعا ءتۇستى. بۇعان تىزىمدەگى وزگە ەلدەردىڭ ورنى اۋىسقانى سەبەپ. قازاقستان 76 ەلگە ۆيزاسىز بارا الادى. ناميبيا ەلىنىڭ پاسپورتىندا دا وسىنداي كورسەتكىش. جىل باسىندا قازاقستان 71 ەلگە ۆيزاسىز بارا الدى.
رەسەي تىزىمدە 47-ورىندا، ءازىربايجان 75-ورىندا. وزبەكستان 82 - ورىندا.
بۇرىن Visa شەكتەۋلەرىنىڭ يندەكسى (2018 ج. ج. اتاۋى وزگەرتىلگەن) دەپ اتالاتىن Henley Partners ءتولقۇجات يندەكسى ءوز ازاماتتارىن قامتاماسىز ەتەتىن ەركىن ءجۇرىپ- تۇرۋ بويىنشا ەلدەردىڭ حالىقارالىق رەيتينگىسى. يندەكس 2006 -جىلدان بەرى حالىقارالىق اۋە كولىگى قاۋىمداستىعىمەن (IATA) بىرلەسىپ، الەمدەگى ەڭ ءىرى تۋريستىك اقپاراتتىق بازانى قولدانادى.
Stan.kz
