نورماندياداعى وداقتاستار وپەراتسياسىنا 75 جىل تولدى
العاش بولىپ سالتاناتتى شاراعا ەممانيۋەل ماكرون مەن پرەمەر- مينيستر تەرەزا مەي جەتتى. قوس ەلدىڭ باسشىلارى وسى شايقاستا قازا تاپقان اعىلشىن جاۋىنگەرلەرىنە ارنالعان ەسكەرتكىشتىڭ العاشقى تاسىن قالادى. تاعى ءبىر مەرەيتويلىق شارا پرەزيدەنت ترامپتىڭ قاتىسۋىمەن كولۆيل- سيۋر- مەردە وتەدى.
ايتا كەتەيىك، 1944 -جىلى 6 - ماۋسىمدا وداقتاس ەلدەر نەمىس اسكەرىنە قارسى ەڭ ءىرى تەڭىز وپەراتسياسىن باستادى. نورمانديا جاعالاۋىنا 156 مىڭ سارباز ءتۇسىرىلدى. ولارعا 195 مىڭ تەڭىزشى قولداۋ كورسەتىپ، 11 جارىم مىڭنان استام ۇشاق پەن 7 مىڭعا جۋىق كەمە جۇمىلدىرىلعان ەدى.
ەممانيۋەل ماكرون، فرانسيا پرەزيدەنتى:
- 75 جىل بۇرىن 25 مىڭعا جۋىق اعىلشىن جاۋىنگەرى فرانسيانى ازات ەتۋ ءۇشىن نەمىس باسقىنشىلارىنا قارسى ءىرى وپەراتسياعا قاتىستى. ولاردىڭ ءبارى تاڭسارىدە قارشا بوراعان وق پەن ۇلكەن كەدەرگىلەرگە قاراماستان العا ۇمتىلدى. ءبىز بوستاندىعىمىز ءۇشىن كۇرەسكەن جاۋىنگەرلەردى ەشقاشان ۇمىتپايمىز.
www.24.kz