قازاقستانداعى ساۋدا، ويىن-ساۋىق ورىندارىنا تەكسەرىس: 75 نىساننىڭ ۇشەۋى عانا قاۋىپسىز

بۇل تۋرالى بۇگىن استانادا وتكەن باسپا ءسوز ءماسليحاتىندا اتالمىش كوميتەت ءتوراعاسى گەنەرال-مايور ۆلاديمير بەككەر ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«ەلىمىزدەگى ويىن-ساۋىق ورتالىقتارى مەن ءىرى ساۋدا دۇكەندەرىنە ءبىر اپتادا جۇرگىزىلگەن تەكسەرىستىڭ الدىن الا اقپاراتىن ۇسىنامىز. پرەمەر-ءمينيستردىڭ تاپسىرماسى نەگىزىندە بارلىق ءىرى ويىن-ساۋىق ورتالىقتارىن اۋقىمدى تۇردە تەكسەرۋ جۇمىستارى باستالىپ كەتكەن بولاتىن. وتكەن اپتانىڭ دۇيسەنبىسىندە 207 تەكسەرىس جۇمىسى باستالسا، قازىرگى دەيىن (6 -ساۋىردەگى جاعداي بويىنشا) 308 تەكسەرۋ جۇرگىزىلدى. ياعني، ءبىر اپتانىڭ ىشىندە 75 نىساندى تەكسەرۋ جۇمىسى اياقتالدى. تەكسەرىلگەن نىسانداردا 1 مىڭنان استام بۇزۋشىلىق (1037) انىقتالدى. بۇزۋشىلىقتار 3 نىساندا عانا انىقتالعان جوق. ولار: قاراعاندى وبلىسىنىڭ شاحتينسك قالاسىنداعى 2 بازار جانە قوستاناي وبلىسىنىڭ قارابالىق اۋدانىنداعى «دەليۋكس» س و»، - دەيدى بەككەر.

كوميتەت ءتوراعاسىنىڭ ايتۋىنا قاراعاندا، تەكسەرىس قورىتىندىسى بويىنشا 72 زاڭدى جانە جەكە تۇلعا اكىمشىلىك جاۋاپكەرشىلىككە تارتىلعان.

«جالپى العاندا ويىن-ساۋىق نىساندارىنان بۇزۋشىلىقتاردىڭ بارلىق تۇرلەرى انىقتالدى. بۇل - ەۆاكۋاتسيالىق شىعۋ ەسىگىنىڭ جابىق بولۋى، ءورت دابىل بەلگىسىنىڭ جۇمىس ىستەمەۋى، اۆتوماتتى تۇردە ءورت ءسوندىرۋ جۇيەسىنىڭ جۇمىس ىستەمەۋى، ەۆاكۋاتسيا جولدارىنىڭ قوقىسقا تولىپ قالۋى، ەۆاكۋاتسيا جولىنا ارنالعان ورىندا ساۋدا نۇكتەلەرىنىڭ ورنالاستىرىلۋى جانە تاعى باسقالار. دەمەك، بەلگىلى ءبىر نىسانداعى بۇزۋشىلىقتاردىڭ سانى 3 تەن 30 عا دەيىن جەتىپ وتىر»، - دەيدى ول.

جاعدايدى باقىلاپ، شىنايى تەكسەرىستى قامتاماسىز ەتۋ ءۇشىن ت ج ك كەلەسى قادامعا بارىپ وتىر. ياعني كوميتەت سايتىندا «مۇندا قاۋىپسىز ەمەس» اتتى رۋبريكا ورنالاستىرىلعان. بارلىق تەكسەرۋ قۇجاتتارى اتالمىش رۋبريكادا جاريالاناتىن بولادى.

تەكسەرىس ناتيجەسىندە سالىنعان ايىپپۇلدىڭ جالپى مولشەرى 1 ميلليون 193 مىڭ تەڭگەنى قۇراعان.