جازۋشى تولەن ابدىك 75 جاسقا تولدى
ول قوستاناي وبلىسىنىڭ جانگەلدين اۋدانىنداعى ەڭبەك اۋىلىندا تۋعان. ءال- فارابي اتىنداعى قازاق مەملەكەتتىك ۇلتتىق ۋنيۆەرسيتەتىن بىتىرگەن (1965).
1965-1970 ج ج. «قازاقستان پيونەرى» (قازىرگى «ۇلان» ) گازەتىندە ادەبي قىزمەتكەر، ءبولىم مەڭگەرۋشىسى بولعان. 1970-1977 ج ج. «جالىن» الماناحىندا ءبولىم مەڭگەرۋشىسى، باس رەداكتوردىڭ ورىنباسارى بولدى. 1977-1979 ج ج. «قازاق فيلم» كينوستۋدياسىندا باس رەداكتور، 1979-1990 ج ج. قازاقستان ك پ ورتالىق كوميتەتىندە جاۋاپتى قىزمەتتە بولعان. ءبىراز جىل «قازاق ادەبيەتى» گازەتىنىڭ باس رەداكتورى، قازاقستان جازۋشىلار وداعىنىڭ ەكىنشى حاتشىسى بولىپ ىستەدى.
1993-2008 -جىلدارى ق ر پرەزيدەنتى اكىمشىلىگىندە جاۋاپتى قىزمەتتە بولدى. شىعارمالارى 1964 -جىلدان جاريالانا باستادى. «كوكجيەك» (1969)، «كۇزگى جاپىراق» (1971)، «اقيقات» (1974)، «ايتىلماعان اقيقات» (1979) اڭگىمە، پوۆەستەر جيناقتارىن، «ءولىارا» (1985)، «اقشوقىدا قىس قاتتى» (1987)، «پاراسات مايدانى» (2002) روماندارىن جاريالادى. اڭگىمە، پوۆەستەرى ورىس تىلىندە «يستينا» (1980, 1981) دەگەن اتپەن شىقتى. گرەك اڭىزدارى - «ەللادا ەرلەرىن» (1977) قازاق تىلىنە اۋدارعان. حالىقارالىق كافكا جانە قازاقستانداعى پەن كلۋب سىيلىقتارىنىڭ لاۋرەاتى (2003) . ق ر مەملەكەتتىك سىيلىعىنىڭ لاۋرەاتى.