جاسى 75 كە كەلگەن تانىمال اقىن ءالى كۇنگە دەيىن ادەمى قىز كورسە، جۇرەگى ءلۇپ ەتەتىنىن جاسىرمادى
ءتىپتى ءالى كۇنگە دەيىن ادەمى قىزداردى كورسە، جۇرەگى ءلۇپ ەتە قالاتىنىن دا جاسىرمادى. بۇل جونىندە ونەر يەسى وڭتۇستىك قازاقستان وبلىسىنداعى ارنالاردىڭ بىرىنە بەرگەن سۇحباتىندا ايتتى.
«اباي ايتقان عوي، «جۇرەگىمە قىرىق جاماۋ قياناتشىل دۇنيەدەن» دەپ... وسى جەرگە كەلە جاتقان كەزدە انا ەسىكتەن دە، مىنا جاقتان شىققان كەزدە دە كىلەڭ جاڭا تۋعان ايداي ۇقساپ قىزدار شىعىپ جاتتى. ونى سەن قالاي كورمەي وتەسىڭ؟ ازىلگە ءازىل تاستاپ، ءبىر شۋماق ولەڭ ايتىپ كەلە جاتىرمىن جاڭاعى.
ادەمىلىكتى، سۇلۋلىقتى كورە ءبىلۋ كەرەك. تاني ءبىلۋ كەرەك، تابىنا ءبىلۋ كەرەك. ءسۇيسىنۋ كەرەك. ءبىراق پەرىشتە سيپاتتى قىز- كەلىنشەكتەرگە سۇقتانىپ قاراما، ءسۇيسىنىپ قارا دەگەن بار»، - دەدى اقىن. ودان وزگە ونەر جولى مەن ءومىر جولىنان سىر شەرتكەن تالانت يەسى تىلشىلەرگە بەرگەن سۇحباتىندا جاستارمەن وتكەن كەزدەسۋدە ولار اقىننىڭ شىعارماشىلىعىنداعى تۋىندىلاردىڭ باسىم كوپشىلىگى، ءتىپتى 80 پايىزعا جۋىعى نەلىكتەن ماحاببات تاقىرىبىنداعى ولەڭدەر ەكەنىن سۇرايتىنىن دا اتاپ ءوتتى.
«اقىندىق جۇرەكتىڭ ەرەكشە ءبىر قۇپياسى دەپ بىلەمىن... مەن ايتقانمىن، ولە ولگەنشە عاشىق بولىپ وتەمىن دەپ. جوق، مەنىڭ جۇرەگىم جالعىز. تەك سۇلۋلاردى كورگەندە جۇرەك ءلۇپىل ەتەدى. جۇرەگىڭ ءلۇپ ەتسە بولدى، ولەڭ تۋادى.
مەن ءوزىمنىڭ جۇرەگىمە قارسى كەلە المايمىن عوي. جۇرەگىم سوعىپ تۇرسا، ادەمى قازاقتىڭ قىزىن كورسەم، ەپ ەتە قالسا... ول مەنىڭ جۇرەگىم، يەسى مەنمىن عوي»، - دەپ اڭگىمەسىن جالعادى اقىن.
