ەلباسى استانادا جاڭادان اشىلعان 75№ كوپسالالى مەكتەپ-گيمنازياسىندا بولدى

«ءبىزدىڭ ەلىمىزدە 7600 مەكتەپكە 2 ميلليون 600 مىڭ بالا پارتاعا وتىراتىن بولادى. ەڭ قۋانتاتىنى - 1- قىركۇيەكتە 300 مىڭ ءبۇلدىرشىن ءبىرىنشى سىنىپقا بارادى. ولاردىڭ سانى بىلتىرمەن سالىستىرعاندا جەتپىس مىڭعا ارتىق. بۇعان ەرەكشە قۋانامىز، سەبەبى، جاستارىمىز، حالقىمىزدىڭ سانى ءوسىپ كەلە جاتىر»، - دەدى پرەزيدەنت.

مەملەكەت باسشىسى بولعان جاڭا 75№ مەكتەپ-گيمنازياسىندا 1300 وقۋشى ءبىلىم الاتىن بولادى. ءبىلىم ورداسى زاماناۋي تەحنيكالىق قوندىرعىلارمەن، ءماجىلىس زالىمەن، 56 سىنىپ بولمەسىمەن، ەلەكتروندى ابونومەنتتىك كىتاپحانامەن جابدىقتالعان.

ايتا كەتەيىك، ەلوردادا 2014-2015 وقۋ جىلىندا 103 مىڭنان استام بالا ءبىلىم الادى. ونىڭ ىشىندە 13 مىڭعا جۋىعى ءبىرىنشى سىنىپقا قابىلدانعان بۇلدىرشىندەر. وتكەن جىلى قالاداعى وقۋشىلاردىڭ جالپى سانى 94712 قۇراعان بولاتىن. بۇگىن استانادا بەس جاڭا مەكتەپ قولدانىسقا بەرىلدى. سونىمەن قاتار جىلدىڭ سوڭىنا دەيىن قوسىمشا 8 مەكتەپ پايدالانۋعا بەرىلەدى دەپ كۇتىلۋدە. بۇل ءوز كەزەگىندە بالالار سانى شامادان تىس مەكتەپتەر مەن ءۇش اۋىسىمدىق وقۋ جۇيەسىن رەتتەيتىن بولادى.

جاڭا وقۋ جىلىندا ەلوردادا 11856 پەداگوگ قىزمەت اتقاراتىن بولادى.

اۆتور: رۋسلان عابباسوۆ