التىن وردانىڭ 750 جىلدىعى: اۋليەكول قالاشىعى قالپىنا كەلتىرىلەدى
بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا وبلىستىق مادەنيەت، تىلدەردى دامىتۋ جانە ارحيۆ ىستەرى باسقارماسىنىڭ باسشىسى ەرنۇر داۋەنوۆ ءمالىم ەتتى. - جوشى حان تۇسىندا التىن وردا ءداۋىرىنىڭ نەگىزگى ورتالىعىنىڭ ءبىرى ەرتىس وڭىرىندە بولدى دەگەن تۇجىرىم بار، - دەيدى ەرنۇر داۋەنوۆ. - ول اۋليەكول جاعاسىندا ورنالاسقان جانە سول جەردە ەرەكشە ساقتالعان قالانىڭ قالدىقتارى بار. وسىعان بايلانىستى مادەنيەت باسقارماسىمەن 20 ميلليون تەڭگە قاراجات ءبولىنىپ وتىر. سول قالانىڭ نەگىزگى بەينەسىن قالپىنا كەلتىرۋگە تىرىسامىز. ناتيجەسىندە سول جەردە اۋليە يسابەك يشاننىڭ كەسەنەسىمەن بىرگە تۋريستىك ورتالىق، كيەلى ورىن پايدا بولادى دەگەن ويدامىز. بۇل ارحەولوگيالىق قازبا جۇمىستار بۇرىن دا جۇرگىزىلگەن، ءبىراق بيىل عىلىمي تۇرعىدان جۇيەلى تۇردە قاراجاتتىڭ بولىنۋىمەن ۇيىمداستىرىلادى.
ۆەدومستۆو باسشىسىنىڭ ايتۋىنشا، اۋليەكول قالاشىعىن قالپىنا كەلتىرۋ بويىنشا قازبا جۇمىستارى ماۋسىم ايىندا باستالىپ، تامىز ايىنىڭ سوڭىنا دەيىن جۇرگىزىلەدى. قىركۇيەكتە قورىتىندىسى شىعارىلىپ، قاراشا- قازان ايلارىندا حالىقارالىق كونفەرەنتسيا وتەدى. پاۆلودار مەملەكەتتىك پەداگوگيكالىق ۋنيۆەرسيتەتىمەن «قازاقستان تاريحىنداعى «ۋلۋگ ۋلۋس (التىن وردا) « ۆيدەودارىس دايىنداۋ، سونداي- اق «ۇلى دالا مۇراسى» جوباسى اياسىندا ءبىلىم مەكەمەلەرىندە مۋزەيلەر اشۋ جوسپارلانىپ وتىر.
التىن وردانىڭ 750 جىلدىعىن اتاپ وتۋگە ارنالعان وبلىستىق جوسپار بويىنشا قالالار مەن اۋدانداردا بارلىعى 100گە جۋىق ءارتۇرلى ءىس- شارا وتەدى. ونىڭ ىشىندە كورمەلەر مەن تانىمدىق ساعاتتار، سۋرەتتەر بايقاۋى بار.
ايتا كەتەرلىگى، ورتا عاسىرلىق اۋليەكول قالاشىعى ساياسي- مادەني جانە اكىمشىلىك- ەكونوميكالىق ورتالىق بولعان. حالىق اراسىندا بۇل ءوڭىر اقكول- جايىلما دەگەن اتپەن بەلگىلى.
