ۋكراينادان پولشاعا جەتكەن 74 قازاقستاندىق ەلگە قايتۋ ءۇشىن كەلەسى رەيستى كۇتىپ وتىر
بۇل تۋرالى قازاقستاننىڭ ۋكرايناداعى ەلشىسىنىڭ كەڭەسشىسى سەرگەي كونوۆالوۆ ءمالىم ەتتى، دەپ حابارلايدى قازاقپارات ءتىلشىسى.
«كەشە الماتىعا 175 وتانداسىمىز جانە بۇگىن نۇر- سۇلتانعا 124 ادام كەلدى. وسىلايشا ۋكراينا اۋماعىنان 300 ادامدى ەۆاكۋاتسيالادىق. قازىر پولشاداعى قاۋىپسىز ايماقتا 74 ادام بار. ونىڭ بارلىعى قوناق ۇيمەن قامتاماسىز ەتىلگەن جانە ءۇشىنشى رەيستى كۇتەدى. ءبىز دايىنداپ جاتىرمىز. كيەۆتەگى ەلشىلىكتە 30 ادام بار، ءبىراق ولار - ەلشىلىك قىزمەتكەرلەرى ەمەس. ەلشىمەن بىرگە ولاردىڭ بارلىعى دا ازىقپەن قامتاماسىز ەتىلگەن»، - دەدى سەرگەي كونوۆالوۆ تىلشىلەرگە بەرگەن سۇحباتىندا.
ونىڭ ايتۋىنشا، ءقازىر ۋكراينا شەكاراسىنان وتكەن قازاقستاندىقتاردى ەلگە جەتكىزۋدىڭ قامى جاسالۋدا.
«سونداي- اق، حاركوۆتان تاعى 20 ادامدى كۇتىپ وتىرمىز، جاقىن ارادا ەۆاكۋاتسيالايمىز. لۆوۆتان باستاپ، بۇل - رەسەي شەكاراسىنا ەڭ جاقىن قالا، جاقىن ارادا تاعى 15 ادام كەتەدى. قازىر ءۇشىنشى ەۆاكۋاتسيالىق رەيس دايىندالىپ جاتىر. مەن ونداعى قازاقستاندىقتاردى سابىرعا شاقىرامىن. ءۇشىنشى رەيس اۋە بورتىنا ادام قالاي جينالادى، سولاي ۇشادى. كەلەسى اۋە بورتىندا 142 ورىن بولادى دەپ جوسپارلاپ وتىرمىز، وسى ورايدا «ەير استاناعا» العىسىمىز شەكسىز»، - دەيدى ول.