بوزىمبايەۆ 740 مىڭ ادامدى گازبەن قامتيتىن جوبانى اتادى
«ەلباسىنىڭ «نۇر وتان» پارتياسىنىڭ سەزىندە ايتقان تاپسىرماسىن ورىنداۋ ماقساتىندا، مينيسترلىك تاراپىنان وڭىرلەردەگى ءبىرقاتار جوبالاردىڭ قۇرىلىسىن جانداندىرۋعا ۇسىنىستار ازىرلەندى. وسى ورايدا، ءبىزدىڭ ۇسىنىستارىمىز بويىنشا 2019-2025 -جىلدارعا قوسىمشا 187 ميلليارد تەڭگە تالاپ ەتىلەدى. سونىڭ ىشىندە، 2019-2021 -جىلدارعا 55 ميلليارد تەڭگە قارالۋى ءتيىس» ، - دەدى ق. بوزىمبايەۆ.
ءمينيستردىڭ ايتۋىنشا، 4 گاز تاراتۋ جەلىسىن سالۋ ءۇشىن 84,7 ميلليارد تەڭگە ءبولۋ ۇسىنىلادى. ونىڭ ىشىندە استانانىڭ گاز ينفراقۇرىلىمىن سالۋعا 44,4 ميلليارد باعىتتالادى. بۇل جوبا ناتيجەسىندە 370 مىڭ ادام گازبەن قامتىلادى.
«سونىمەن قاتار، بىرنەشە گاز جەلىسىنىڭ قۇرىلىسىن قولداۋدى سۇرايمىز. اتاپ ايتساق، قاراعاندى وبلىسىندا، ياعني قاراعاندى، تەمىرتاۋ، جەزقازعان جانە قوسىمشا 5 ەلدىمەكەنگە 28,7 ميلليارد تەڭگە قاجەت. بۇل جوبا 270 مىڭ ادامدى قامتيدى. ال، اقمولا وبلىسىندا 10 ميلليارد تەڭگەگە 100 مىڭ ادام كوگىلدىر وتىنعا قول جەتكىزەدى. «سارىارقا» ماگيسترالدى گاز قۇبىرىن سالۋ بارىسىندا اتالعان جوبالاردى دا ىسكە اسىرۋ وتە ماڭىزدى. جالپى، گازبەن قامتۋ جوبالارىن ىسكە اسىرۋ ناتيجەسىندە ەلىمىزدىڭ شامامەن 740 مىڭ تۇرعىنى گازبەن قامتىلاتىن بولادى» ، - دەدى ول.