استاناداعى ەكسپو-قالاشىق قۇرىلىسىنا 7400 ادام تارتىلدى

استانا. قازاقپارات - ەكسپو-قالاشىق قۇرىلىسىنا 7,4 مىڭ ادام جۇمىلدىرىلدى.

بۇل تۋرالى بۇگىن ەلوردادا قاراعاندى، قوستاناي جانە پاۆلودار وبلىستارى اكىمدىكتەرى باسشىلىعىنىڭ قاتىسۋىمەن وتكەن كەڭەستە «استانا ەكسپو-2017» ۇ ك» ا ق باسقارما ءتوراعاسى احمەتجان ەسىموۆ ءمالىم ەتتى.

 اتاپ ايتقاندا، ەكسپونىڭ قۇرىلىس الاڭدارىندا كورمە كەشەندەرىنىڭ بارشا پاۆيلوندارى بويىنشا نولدىك سيكلدىڭ (پاركينگتەر) مونوليتتى تەمىر بەتوندى جۇمىستار تولىق اياقتالدى. عيماراتتاردىڭ مەتاللدىق قۇرىلىمدارى قاڭقاسىن مونتاجداۋ 80 پايىزدان استام دەڭگەيدە ورىندالدى.

سونىمەن قاتار «ەنەرگيانى زەرتتەۋ ورتالىعىندا» نولدىك سيكل جۇمىستارى اياقتالدى. بۇگىندە عيماراتتىڭ مەتاللدىق قۇرىلىمدارى قاڭقاسىن مونتاجداۋ ءجۇرىپ جاتىر. سونىمەن قاتار ەكسپو اۋماعىندا ينجەنەرلىك جەلىلەردى تارتۋ جۇمىستارى ىسكە اسىرىلۋدا.

ا. ەسىموۆتىڭ سوزىنە قاراعاندا، جالپى بۇگىندە قۇرىلىس شارالارىنا 7421 ادام مەن 444 تەحنيكا جۇمىلدىرىلعان. تاراتىلعان مالىمەتتەرگە قاراعاندا، جوبالاردى قايتا قاراستىرۋ جۇمىستارى وتكەننەن كەيىن، قۇرىلىس شىعىستارى 78 ميلليارد تەڭگەگە ارزاندادى.

اۆتور: رۋسلان عابباسوۆ