دەنەسىن 74 رەت ارا شاققان 94 جاستاعى اجەي عاجايىپتىڭ كۇشىمەن امان قالدى

 استانا. قازاقپارات - ا ق ش- تا 94 جاستاعى اجەيدى 74 رەت ارا شاعىپ الدى. كەيۋانا ءوز ءۇيىنىڭ ماڭنىن تازالاپ جاتقاندا ارالاردىڭ ۇياسىنا تاپ بولعان دەپ حابارلايدى Life سايتى.

ورەگون شتاتىنىڭ تۇرعىنى بەرنيس ارلين پاتتەرسون ءۇيىنىڭ ماڭنىن جيناپ ءجۇرىپ، ارالاردىڭ قورشاۋىندا قالىپ قويعان. تىستەلەپ جاتقان جاندىكتەردەن قاشپاق بولعان اجەي شالىنىپ، قۇلاپ قالادى.

ارتىنشا كەيۋانا كومەككە ۇلىن شاقىرعان. ال بالاسى جاندىكتەرگە قارسى سپرەي سەۋىپ، ولاردى سىپىرعىمەن ۇرا باستاعان ەكەن.

«ودان كەيىن نە ىستەگەنىمدى بىلمەيمىن. مەن تەك قانا دىرىلدەگەنىمدى سەزدىم»، - دەيدى پاتتەرسون.

وقيعادان سوڭ زەينەتكەر اۋرۋحاناعا جەتكىزىلگەن. قازىر ونىڭ دەنساۋلىعى جاقسى.