72 ساعات: پۋتين جاريالاعان جەڭىستىڭ 80 جىلدىعىنا ارنالعان ءبىتىم كۇشىنە ەندى
استانا. KAZINFORM - ەكىنشى دۇنيەجۇزىلىك سوعىستاعى جەڭىستىڭ 80 جىلدىعىنا وراي رەسەي پرەزيدەنتى ۆلاديمير پۋتين جاريالاعان ءبىتىم كەزىندە رەسەي بارلىق اسكەري ارەكەتتى توقتاتادى، دەپ حابارلايدى ت ا س س.
بىتىمگەرشىلىك كەلىسىمى ماسكەۋ ۋاقىتىمەن 8- مامىر ساعات 00:00 دەن 11- مامىر ساعات 00:00 گە دەيىن - جالپى 72 ساعات بويى كۇشىندە بولادى.
پۋتين ءساۋىر ايىنىڭ سوڭىندا بىتىمگەرشىلىك تۋرالى مالىمدەگەن بولاتىن. 3- مامىردا ۆلاديمير زەلەنسكي بۇل ۇسىنىستى جاريا تۇردە قابىلدامادى.
رەسەي تاراپىنان رەسەي قارۋلى كۇشتەرى ۋكراينا بىتىمگەرشىلىك كەلىسىمدى بۇزعان جاعدايدا شابۋىلداردى تويتارۋعا دايىن بولۋى كەرەك ەكەنى اتاپ ءوتىلدى.
رەسەي پرەزيدەنتىنىڭ باسپا ءسوز حاتشىسى دميتري پەسكوۆ رەسەيدىڭ مامىر ايىنداعى بىتىمگە قاتىستى ۇستانىمى بەلگىلى ەكەنىن جانە قازىرگى ۋاقىتتا بۇل ماسەلەگە قاتىستى جاڭا نۇسقاۋلار جوق ەكەنىن ايتتى.
بۇعان دەيىن رەسەي سىرتقى ىستەر ءمينيسترى سەرگەي لاۆروۆ پۋتيننىڭ اتىستى ۋاقىتشا توقتاتۋ تۋرالى ۇسىنىسى رەسەيدىڭ كەلىسسوزدەرگە دەگەن ۇمتىلىسى دەپ مالىمدەدى.
