جوعارعى رادا: ۋكراينادا 70 تەن استام بالا قازا تاپتى

نۇر-سۇلتان.قازاقپارات - ۋكراينادا قارۋلى قاقتىعىس باستالعالى 71 بالا قازا تاپتى. تاعى جۇزدەن استامى جارالاندى. بۇل تۋرالى جوعارعى رادانىڭ ادام قۇقىقتارى جونىندەگى وكىلى ليۋدميلا دەنيسوۆا مالىمدەدى.

ومبۋدسمەننىڭ ايتۋىنشا، رەسەي جەنيەۆا كونۆەنتسيالارىنىڭ ءبارىن بۇزعان. بىرىككەن ۇلتتارى ۇيىمى ادام قۇقىقتارى جونىندەگى جوعارعى كوميسساردىڭ مالىمەتىنە سايكەس، ەكى اپتا ىشىندە 549 بەيبىت تۇرعىن كوز جۇمعان. تاعى 900 ءى زارداپ شەككەن.

www.24.kz