قازاقستاندا دۇنگەن ۇلتىنىڭ 70 مىڭنان استام وكىلى تۇرادى
شاراعا قاتىسقان قازاقستان حالقى اسسامبلەياسىنىڭ قۇرىلىمدارى مەن ەتنومادەني بىرلەستىك وكىلدەرى دۇنگەن ۇلتىنىڭ تاريحى، ءومىر سالتى مەن ەلىمىزدىڭ دامۋىنا قوسقان ۇلەسى تۋرالى وي ءبولىستى. شارا اياسىندا «قازاقستان - ءبىزدىڭ ورتاق ءۇيىمىز» اتتى سۋرەت كورمەسى، دۇنگەندەردىڭ ۇلتتىق قولدانبالى ونەرىنىڭ كورمەسى ۇيىمداستىرىلدى. «شەبەرلەر قالاسىندا» ۇلتتىق تاعامدار جاساۋدان، كەستە تىگۋدەن جانە شاشتى ساندەۋ ۇلگىلەرىنەن شەبەرلىك ساباقتارى ءوتتى. قازاقستان جەرىندە 140 جىلدان بەرى ءومىر ءسۇرىپ جاتقان دۇنگەن ۇلتىنىڭ وكىلدەرى، سالت- ءداستۇرىمىز قازاقتىڭ مادەنيەتىمەن اتاسىپ كەتتى، دەيدى.
لولا سەمير، دۇنگەن ۇلتىنىڭ وكىلى:
- مەن قازاق مەكتەبىندە وقىدىم. سوسىن الماتىعا ءتۇسىپ، وقۋعا وقۋىمدى قازاقشا جالعاستىردىم. قازاقستاندا تۇرامىز. سوندا دا ءوزىمىزدىڭ ۇلتتىق داستۇرلەرىمىزدى ۇستانامىز. قازاقستان ماعان ۇنايدى. ءوزىم ءبىر جىل قىتايعا بارىپ كەلدىم. شىنىمدى ايتسام ءبارىبىر ەشقانداي جەر قازاقستانعا جەتپەيدى.
www.24.kz
