قىتايدا تۇراتىن قازاق اجە 70 جاسىندا كاسىپ اشتى

 استانا. قازاقپارات - قىتايدا تۇراتىن ەتنيكالىق قازاق اقمانتاي ەرجانحان 70 جاسقا كەلگەندە ءوزىنىڭ جەكە بيزنەسىن اشتى، دەپ حابارلايدى ecns.cn سايتىنا سىلتەمە جاساپ holanews.kz.

شىنجاڭ ولكەسىىنە قاراستى التاي ايماعىندا تۇراتىن ول قازىرگى كەزدە 12 ادامدى جۇمىسپەن قامتىپ وتىر. كاسىپ يەلەرى ونىمدەرىن ينتەرنەت ارقىلى ساتادى. اجەنىڭ سوزىنشە، وتباسى كەدەي تۇرعان. سابىن قايناتۋدى ۇيرەنبەي تۇرىپ ول كيىمنىڭ كىرىن كەتىرۋ ءۇشىن اعاش تاياقشالاردى قولدانعانىن ايتادى. بۇل ءادىس، ارينە، كيىمنىڭ تەز توزىپ كەتۋىنە اكەپ سوقتىرعان.

 
«قارا سابىندى قايناتۋ ءداستۇرى اتا- بابامىزدان قالعان. ەكى كۇننىڭ ىشىندە 10 وتباسىعا ءبىر جىلعا جەتەتىن سابىن جاساي الامىز. كەيىنگى جاستار وسى ءىستى ۇمىتپايدى، قارا سابىندى قايناتۋ تەحنيكاسى جوعالمايدى دەپ سەنەمىن»، - دەيدى اقمانتاي ەرجانحان.