10:19, 26 - جەلتوقسان 2016 | GMT +5
ترامپ وبامانىڭ 70 پايىز جارلىقتارىنىڭ كۇشىن جويماق
استانا. قازاقپارات - ا ق ش كونگرەسىنىڭ بۇرىنعى سپيكەرى نيۋت گينگريچ Fox News تەلەارناسىنىڭ ەفيرىندە ا ق ش- تىڭ جاڭادان سايلانعان پرەزيدەنتى دونالد ترامپ يناۋگۋراتسيادان كەيىن وباما قول قويعان جارلىقتاردىڭ 70 پايىزىن وزگەرتەتىنىن ءمالىم ەتتى، دەپ جازدى.
«مەنىڭشە، ول ءوزىنىڭ تاعايىندالۋىنان كەيىن العاشقى كۇندەرى ب. وبامادان مۇراعا قالعان جارلىقتاردىڭ 60 نەمەسە 70 پايىزىنىڭ كۇشىن جويادى. سونداي-اق، ول دەموكراتيالىق پارتيانىڭ بىرنەشە وكىلىمەن بايلانىس ورناتۋعا تىرىسادى دەپ ويلايمىن. بۇل رەسپۋبليكاشىلاردى تاڭعالدىرۋى مۇمكىن، ءبىراق وسى ارەكەتتەر ترامپقا اق ءۇي مەن سەناتتاعى جاقتاستارىن كوبەيتۋگە سەپتىگىن تيگىزەدى»، - دەدى گينگريچ.
ونىڭ ايتۋىنشا، ترامپ «اقىلدى زاڭگەرلەردىڭ» كومەگىمەن وبامانىڭ قايتا قاراۋعا جاتپايتىن جارلىقتارىن دا جويۋى مۇمكىن.
