15:39, 22 - مامىر 2016 | GMT +5
لاي كوشكىنىنەن قازا تاپقاندار سانى 70 تەن استى
استانا. قازاقپارات - شري-لانكاداعى لاي كوشكىنىنىڭ سالدارىنان قازا تاپقاندار سانى ارتۋدا. سوڭعى مالىمەتتەرگە سايكەس 71 ادام كوز جۇمىپ، 120 دان استامى ءىز-ءتۇزسىز جوعالعاندار قاتارىندا.
ىزدەۋ-قۇتقارۋ جۇمىستارى ءالى جالعاسىپ جاتىر. لاي كوشكىنى اسىرەسە كولومبو وكرۋگىنە قاتتى زاردابىن تيگىزگەن. جەرگىلىكتى بيلىكتىڭ مالىمەتىنشە، تابيعات اپاتىنان مىڭداعان ادام زارداپ شەككەن. 300 مىڭعا جۋىق ادام ءوز ۇيلەرىن تاستاۋعا ءماجبۇر بولعان، دەپ جازادى شەتەلدىك ب ا ق.
ايتا كەتەيىك، شري-لانكادا لاي كوشكىنى ءجيى بولادى. جاۋىن مول تۇسەتىن مامىر ايىنان جەلتوقسانعا دەيىن ارالدىڭ شىعىسى مەن وڭتۇستىك-شىعىسىندا لاي كوشكىنى قاۋپى جوعارى.
