تاياۋ جىلدارى قازاقستان اسكەرى قارۋ- جاراعىنىڭ 70 پايىزى جاڭارادى - مەملەكەت باسشىسى - فوتو
«مەملەكەت ەلدىڭ قورعانىس قابىلەتى جوعارى دەڭگەيدە بولۋى ءۇشىن بارلىق قاجەتتى شارالاردى اتقارۋدا. قيىندىقتار مەن داعدارىس جاعدايىنا قاراماستان، قورعانىس شىعىستارى باسىمدىقتى تارتىپتە قارجىلاندىرىلىپ جاتىر. جاۋىنگەرلىك كەزەكشىلىككە قايتا جاراقتاندىرۋدىڭ باعدارلاماسىنا تولىق سايكەستىكپەن جاڭا اسكەري تەحنيكالاردىڭ تۇرلەرى قوسىلۋدا. تاياۋ جىلدارى قارۋدىڭ، تەحنيكانىڭ بارلىق تۇرلەرىنىڭ كەم دەگەندە 70 پايىزى جاڭارادى، ال بولەك ساناتتار بويىنشا جاڭارۋ 100 پايىزعا دەيىن جەتەدى»، - دەدى مەملەكەت باسشىسى.
سونىمەن قاتار پرەزيدەنت جىل سايىن سالادا 100 دەن استام جەدەل تەكسەرىستەر، اسكەري وقۋ- جاتتىعۋلار وتەتىنىن جەتكىزدى.
ن. نازاربايەۆتىڭ سوزىنە قاراعاندا، اسكەري كەشەندى ۇيىمداستىرۋ اياسىندا عىلىمي قامتىمدى وندىرىستەردى دامىتۋ بويىنشا ءبىرقاتار مىندەتتەردى شەشۋ قاجەت.
«قازاقستان شەت ەلدەرمەن اسكەري- تەحنيكالىق ىنتىماقتاستىقتى بەلسەندى دامىتۋدا. ۇقشۇ، شىۇ اياسىنداعى بىرلەسكەن وقۋ- جاتتىعۋلاردا، ناتو ەلدەرىمەن سەرىكتەستىك باعدارلاماسى بويىنشا ءوزارا ءىس- قيمىلدا ەلىمىزدىڭ قارۋلى كۇشتەرىنىڭ جاۋىنگەرلىك شەبەرلىگى شىڭدالۋدا»، - دەدى ەلباسى.
اۆتور: رۋسلان عابباسوۆ
