قىتاي ازاماتتارىنا بەرىلەتىن قازاقستاندىق ۆيزانىڭ 70 پايىزدان استامىن ەتنيكالىق قازاقتار الدى - ق ر ەلشىسى ش. نۇرىشيەۆ

 بەيجىڭ. قازاقپارات - 2014 - جىلى قازاقستاننىڭ ق ح ر- عى ديپلوماتيالىق وكىلدىكتەرى مەن مەكەمەلەرى قىتاي ازاماتتارىنا بەرگەن 111 مىڭ قازاقستاندىق ۆيزاسى ىشىندە 80 مىڭى ەتنيكالىق قازاقتارعا تيەسىلى.

 بۇل تۋرالى قازاقستاندىق تىلشىلەر ءۇشىن وتكىزىلگەن باسپا ءسوز كونفەرەنسياسىنىڭ بارىسىندا ق ح ر- داعى قازاقستاننىڭ توتەنشە جانە وكىلەتتى ەلشىسى شاحرات نۇرىشيەۆ حابارلادى.

- جالپى ستاتيستيكا: بىلتىر قىتاي ازاماتتارىنا 111 مىڭ ۆيزا بەرىلگەن. بۇل قازاقستان رەسپۋبليكاسىنىڭ بەيجىڭدەگى ەلشىلىگى، شاڭحايداعى باس كونسۋلدىعى، گونكونگتاعى (شياڭگاڭ)  باس كونسۋلدىعى جانە ۇرىمجىدەگى ءتولقۇجات- ۆيزالىق قىزمەتتى قامتيدى. ءبىراق، سونىڭ ىشىندەگى 80 مىڭ ادامنىڭ شىنجاڭ- ۇيعىر اۆتونوميالىق وكرۋگىندە تۇرىپ جاتقان ەتنيكالىق قازاقتار ەكەنىن ەسكەرۋ كەرەك. ياعني، قالعانى قازاقستانعا ىسكەرلىك، تۋريستىك، ينۆەستيتسيالىق ماقساتتا ۆيزا العان 31 مىڭ ادام، - دەدى ول قازاقستاندىق تىلشىلەردىڭ سۇراقتارىنا جاۋاپ بەرگەن ەلشى.

 ش. نۇرىشيەۆ استانادا وتەتىن ەكسپو-2017 كورمەسىن بارىنشا كوپ ادام كورۋى قاجەت ەكەنىن اتاپ ءوتتى.

ەسكە سالا كەتەيىك، ق ر پرەزيدەنتى نۇرسۇلتان نازاربايەۆتىڭ ق ح ر- عا مەملەكەتتىك ساپارى اياسىندا «استانا ەكسپو-2017» ۇ ك» ا ق مەن قىتايدىڭ حالىقارالىق تۋريزم بيۋروسى اراسىندا ىنتىماقتاستىق تۋرالى مەموراندۋمعا قول قويىلدى.