يندونەزيادا 700 جىل بۇرىن جازىلعان قۇران تابىلدى

استانا. قازاقپارات - يندونەزيانىڭ اچەح پروۆينتسياسىندا يسلامي تاريحي- مادەني كورمە ءوتىپ، وندا بىرنەشە عاسىرلار بۇرىن جازىلعان قاسيەتتى قۇران قولجازبالارى ۇسىنىلدى.
None
None

«وسى كورمەدە باتىس اچەحتە ساقتالعان تاريحي قۇندى جادىگەرلەردى ۇسىنامىز» ، - دەيدى مۋرسالين اكىمشىلىگىنىڭ جەتەكشىسى. وسىنداي ەسكى قۇران نۇسقالارىنىڭ ءبىرى - شەيح ماۋلانا ماليك ءيبراحيمنىڭ قولىمەن 700  جىل بۇرىن جازىلعان كىتاپ.

باتىس اچەح مەملەكەتتىك مۇراجايىندا 300-500  جىلدىق تاريحى بار 62 قۇران قولجازبا نۇسقالارى ساقتالعان. الايدا، بۇل كىتاپتاردىڭ ىشىندە 700  جىلدىق تاريحى بار قولجازبانىڭ ورنى ەرەكشە.

ەسكە سالا كەتسەك، وتكەن ايدا ءۇندىستاندا 410  جىل بۇرىن موعول بيلەۋشىسى اكباردىڭ تۇسىندا جازىلعان قۇران كىتابى تابىلعان ەدى.

شىلدە ايىندا بيرمينگەم ۋنيۆەرسيتەتىندە ( ۇلىبريتانيا) راديوكومىرتەك ءاناليزى قورىتىندىسىنا سايكەس، 568-645 ج ج. پايدا بولعان قۇران قولجازباسى تابىلعان بولاتىن. بۇل قۇران كىتابىنىڭ عۇمىر جاسى 1370  جىلعا تولىپ وتىر.

 سونداي- اق، بايىرعى زامان قۇران كىتاپتارى تۇركيا، ەگيپەت، وزبەكستان مەن يەمەن مۇراجايلارىندا دا ساقتالعان.

ummet.kz 

سوڭعى جاڭالىقتار