كاسپي تەڭىزىندەگى جاساندى ارالداردا 700 مۇنايشى داۋىس بەرەدى

اتىراۋ. قازاقپارات - اتىراۋ وبلىسىندا مۇناي-گاز سالاسىندا قىزمەت ەتەتىن 12000 قازاقستاندىق سايلاۋعا قاتىسادى، دەپ حابارلادى وبلىستىق سايلاۋ كوميسسيانىڭ مۇشەسى ءاسيا قىستاۋبايەۆا.

باسقا ايماقتا تۇراتىن، ءبىراق سايلاۋ كۇنى اتىراۋ وبلىسىندا ۆاحتالىق اۋىسىمدا بولاتىن قازاقستاندىقتار شىعارۋ كۋالىكتەرى ارقىلى داۋىس بەرە الادى. سونداي-اق، الدىن الا اۋدان اكىمى اتىنا ءوتىنىش ءبىلدىرىپ، تىزىمگە ەنگىزىلگەندەردىڭ دە داۋىس بەرۋگە مۇمكىندىگى بار. ۆاحتالىق اۋىسىم بويىنشا كوپ داۋىس بەرۋشىلەر تەڭىز كەن ورنىندا. وندا 9 مىڭعا جۋىق ادام بار.

26- ءساۋىر كۇنى تاڭەرتەڭ كولىك ۇيىمداستىرىلىپ، ولاردى جاقىن ماڭداعى سايلاۋ ۋچاسكەسىنە جەتكىزەدى. «بولاشاق» زاۋىتىندا بارلىعى 2300 قازاقستاندىق جۇمىس جاسايدى. ولار تالعايران اۋىلىنداعى 77№ جانە اقساي اۋىلدىق وكرۋگىندەگى 55№ سايلاۋ ۋچاسكەسىندە داۋىس بەرەدى، ولاردى اۆتوبۋسپەن اپارادى»، - دەدى ءا. قىستاۋبايەۆا.

ونىڭ ايتۋىنشا، كاسپي تەڭىزىندەگى 5 جاساندى: «د»، «ا»، EPC-2, ە ر س-3 ي ە ر س-4 ارالدارىنداعى 700 گە جۋىق قازاقستاندىق جۇمىسشى سول ارالدا داۋىس بەرەتىن بولادى.

«اتىراۋ قالاسىنىڭ 43№ سايلاۋ ۋچاسكەسى كوميسسيا مۇشەلەرى ءىرى جاساندى «د» ارالىندا داۋىس بەرۋدى وتكىزسە، 39№-سايلاۋ ۋچاسكەسىنىڭ كوميسسيا مۇشەلەرى قالعان ءتورت ارالدا وتكىزەدى. سايلاۋ كوميسسياسى مۇشەلەرى مەن سايلاۋ جاشىگىن ارالعا تىكۇشاقپەن جەتكىزەدى»، - دەدى ءا. قىستاۋبايەۆا.