ماسكەۋدە مۇحتار ءابىلازوۆتىڭ سىبايلاسى 7,5 جىلعا سوتتالدى

ول ب ت ا- بانك سالىمشىلارىنىڭ قاراجاتىن جىمقىردى، ەكسترەميزم جانە ۇلتارالىق ارازدىق تۋدىردى، دە ايىپتالىپ وتىر.
سونىمەن قاتار، سوت ب ت ا- بانكتىڭ 4,9 ميلليارد رۋبلگە باعالانعان ارىزىن قاناعاتتاندىردى.
ايتا كەتەيىك، ايىپتاۋشى تاراپ وعان 9 جىل سۇراعان بولاتىن.
«جازانى تۇبەگەيلى قوسقان كەزدە پوتكينگە جالپى رەجيمدەگى كولونياعا 9 جىلعا باس بوستاندىعىنان ايىرۋ جازاسىن تاعايىنداۋدى سۇرايمىن»، - دەپ حابارلادى پروكۋرور ماسكەۋدە مەشانسك سوتىندا.
بۇل ىستە باستى فيگۋرانت رەتىندە فرانسيادا قاماۋعا الىنعان ب ت ا بانكتىڭ ەكس- باسشىسى مۇحتار ءابىلازوۆ جۇرۋدە. ول پوتكين ارقىلى بتا- بانك سالىمشىلارىنىڭ 5 ميلليارد رۋبلعا جۋىق سالىمدارىن زاڭداستىرۋعا اتسالىسقان.
ايىپتالۋشى ءوزىنىڭ كىناسىن مويىندامادى. پوتكين وزىنە قاتىستى قىلمىستىق ءىستى ساياسي سەبەپتەرمەن بايلانىستىرىپ وتىر.
پوتكين 2014 -جىلى 15 -قازاندا ب ت ا بانكتىڭ قاراجاتىن جىمقىرۋ ءىسى بويىنشا ۇستالعان بولاتىن. وعان ب ت ا بانك سالىمشىلارىنان ۇرلانعان قاراجاتىن زاڭداستىرۋ، سونىمەن قاتار قازاقستاندا بيلىكتى ىعىستىرۋ جولىندا ەكسترەميستىك ءىس- ارەكەتتەر ۇيىمداستىرۋ فاكتىسى بويىنشا ايىپ تاعىلدى.
اۆتور: جاسۇلان جولدىبايەۆ