زاڭگەر «7-20-25» باعدارلاماسى بويىنشا قارىز الۋشىلارعا كەڭەس بەردى

«7-20-25» باعدارلاماسىنىڭ مالىمەتىنشە، ولار 2018 -جىلدىڭ 1 -شىلدەسىنەن 2019 -جىلدىڭ 28 -اقپان ارالىعىنداعى مالىمەتتەردى قاراعان.

وسىلايشا، ەلىمىزدە ورتاشا ەسەپپەن وسى باعدارلاما بويىنشا وتىنىشتەردىڭ 27 پايىزى ماقۇلدانباعان. 2019 -جىلدىڭ 28 -اقپانىنداعى مالىمەت بويىنشا، 7967 وتىنىشكە جاۋاپ قايتارىلعان. ونىڭ ىشىندە 5816-سى ماقۇلدانىپ، ءبىراق 2151 ءوتىنىش قابىلدانباعان. «ەڭ تومەنگى كورسەتكىش پاۆلودار وبلىسىندا (40 پايىز)، جامبىل وبلىسى (34 پايىز)، الماتى قالاسى جانە الماتى وبلىسىندا (33 پايىز)، شىمكەنتتە (32 پايىز). ال وتىنىشتەر كەرى قايتارىلمايتىن ايماقتارعا قوستاناي (18 پايىز)، اقمولا وبلىسى (20 پايىز) جانە استانا (22 پايىز) كىرەدى»، - دەيدى باسىلىمداعىلار.

«باسپانا» يپوتەكالىق ۇيىمى» ا ق سىرتقى كوممۋنيكاتسيالار قىزمەتىنىڭ باسشىسى ايبار ولجايەۆتىڭ ايتۋىنشا، نەسيەنىڭ ماقۇلدانباۋىنا بىرنەشە سەبەپ بار. «ءبىرىنشى كەزەكتە، بانك وتىنىشتەردى قابىلداعان كەزدە نەگىزگى شارتتاردىڭ ورىندالۋىنا نازار اۋدارادى. ونىڭ ىشىندە - باسپانانىڭ جانە يپوتەكالىق نەسيەنىڭ بولماۋى، رەسمي تابىستىڭ بولۋى. وسى شارتتار ورىندالماعاننان كەيىن-اق وتىنىشتەردىڭ كوبى كەرى قايتارىلادى. ال وسى كەزەڭنەن وتكەن جاعدايدا، بانك ءوتىنىش بەرۋشىنىڭ تولەم قابىلەتتىلىگى مەن نەسيە تاريحىنا قارايدى. بۇل كەزەڭدە نەسيە تاريحىنىڭ ناشار بولۋى (34 پايىز) جانە تولەم قابىلەتتىلىگى تومەن بولعانى (31 پايىز) ءۇشىن ءوتىنىش ماقۇلدانبايدى»، - دەدى ايبار ولجايەۆ.

ونىڭ ايتۋىنشا، ءبىرىنشى جاعدايدا بانك نەسيە بيۋروسى ارقىلى ءوتىنىش بەرۋشىنىڭ نەسيە تاريحى ناشار بولعاندىعىن انىقتاپ شەشىم قابىلدايدى. ەكىنشى جاعدايدا ءار ءتۇرلى سەبەپتەرگە بايلانىستى. نەسيە تاريحى دۇرىس بولسا، ساراپشى سومانىڭ قارجىسىن قايتادان تەكسەرۋدى نەمەسە باسقا بانكتەرگە جۇگىنۋدى ۇسىنادى.

«بانكتەر ءوز ىشكى ەرەجەلەرىنە سۇيەنەدى جانە ولار ءار ءتۇرلى بولادى. ءبىر نەسيە تۇرىنە ماقۇلدانباسا، باسقا نەسيە تۇرلەرىن دا قابىلدامايدى دەۋگە بولمايدى. پاتەردىڭ باعاسى قىمبات بولسا، ونىڭ باعاسىن تومەندەتكەننەن كەيىن ءوتىنىش قابىلدانۋى مۇمكىن. سوندىقتان دا ارزانىراق پاتەر ىزدەگەن دۇرىس»، - دەپ كەڭەس بەردى ولجايەۆ.

ولجايەۆ بانكتەردەن تابىستىڭ بەلگىلى ءبىر ولشەمگە قاراي بەرەتىنىن جالعان دەدى. «كەز كەلگەن ءوتىنىش جەكەلەي قارالادى. ءار قارىز الۋشىنىڭ جاعدايلارى ءار ءتۇرلى. كەيبىر وڭىرلەردە يپوتەكالىق نەسيەنى 80000 تەڭگە تابىس الاتىندارعا بەرەدى. نەسيە تاريحىڭىز بۇزىلعان جاعدايدا ونى دۇرىستاۋعا بولادى»، - دەدى ول.

«دوستۋپنوە پراۆو» زاڭگەرلەر قاۋىمداستىعىنىڭ ءتوراعاسى رۇستەم كابي نەسيە تاريحىن تۇزەتۋگە بولاتىنىن ايتادى. «ۇلكەن كولەمدە نەسيە الماس بۇرىن بىرنەشە تاۋاردى نەسيەگە الىپ، تولەپ وتىرۋ كەرەك. تاۋار نەسيەلەرىنىڭ تاريحى بۇزىلسا دا، نەسيە بەرىلەدى. مىندەتتەمەلەردى ورىنداۋ كەرەك. وعان قوسا، نەسيە بيۋروسىنان كوشىرمەنى الىپ، ونى قاراۋ قاجەت. سونداي-اق، كەز كەلگەن ح ق ك و- دا وسى جايلى مالىمەت جىلىنا ءبىر رەت تەگىن بەرىلەدى» - دەدى زاڭگەر.