تارازدا «7-20-25» باعدارلاماسىمەن پاتەر الۋعا 3 ادام ءوتىنىش بەرگەن
تۇرعىن ءۇي ساتىپ الۋ ءۇشىن استانا، الماتى، اقتاۋ جانە اتىراۋ قالالارى ءۇشىن باعانىڭ ەڭ جوعارى شەگى 25 ميلليون، ال قالعان وڭىرلەر ءۇشىن - 15 ميلليون تەڭگە دەپ بەلگىلەندى. بۇل تۋرالى و ك ق الاڭىندا وتكەن بريفينگتە ق ر ۇلتتىق بانكى جامبىل فيليالىنىڭ ديرەكتورى ەۆگەني شارىگين ايتتى.
كرەديتتىڭ سوماسى 12 ميلليون تەڭگە بولعاندا، يپوتەكا الۋشى ايىنا 85 مىڭ تەڭگە تولەيدى. باسپانا قۇنى تومەن وڭىرلەردە كرەديتتىڭ سوماسى 7 ميلليون تەڭگە بولۋى مۇمكىن. بۇل جاعدايدا ساتىپ الۋشى ايىنا 50 مىڭ تەڭگە تولەيتىن بولادى.
جامبىل وبلىسى بويىنشا بانك فيليالدارى بۇگىندە 31,03 ميلليون تەڭگەنىڭ 3 ءوتىنىشىن قابىلداپ، قۇنى 18,3 ميلليون تەڭگە بولاتىن 2 ءوتىنىشتى ماقۇلدادى.
قازىرگى تاڭدا «باسپانا» ارنايى كومپانياسى سەنتركرەديت، حالىق بانك، ەۋرازيا بانك، سەسنا بانك، ا ت ف بانك، ر ب ك بانكى جانە تۇرعىن ءۇي قۇرىلىسى جيناق بانكىمەن كەلىسىمگە قول قويعان.
