قاڭتاردىڭ 7 سىنەن بەرى 157 مىڭنان استام قازاقستاندىق تۇرعىلىقتى جەرىنە تىركەلدى
بۇل تۋرالى قازاقپارات ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
«وسى جىلدىڭ 7-13 -قاڭتارى ارالىعىندا 157778 ازامات، ونىڭ ىشىندە 79412 سى تۇراقتى جانە 78366 سى ۋاقىتشا تۇرعىلىقتى جەرىنە تىركەۋگە تۇردى. تەك 13 -قاڭتاردا عانا 30069 ادام، ونىڭ ىشىندە 14523 ى تۇراقتى جانە 15546 سى ۋاقىتشا تۇرعىلىقتى جەرىنە تىركەۋگە الىندى»، - دەلىنگەن مينيسترلىك حابارلاماسىندا.
ەستەرىڭىزگە سالا كەتەيىك، 2016 -جىلدىڭ 22 -جەلتوقسانىندا مەملەكەت باسشىسى ەكسترەميزم مەن تەرروريزمگە قارسى ءىس- قيمىل جونىندەگى شارالاردى كۇشەيتۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكسترەميزمگە جانە تەرروريزمگە قارسى ءىس- قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. اتالعان زاڭعا سايكەس ازاماتتار تۇرعىلىقتى جەرىندە تىركەۋگە تۇرۋعا مىندەتتى.
اۆتور: مارلان جيەمباي
