ىشكەن سۋىڭىز ءسىڭىمدى بولسىن دەسەڭىز مىنا 6 امالدى ورىنداڭىز

نۇر-سۇلتان. قازاقپارات - سۋدى دۇرىس ىشە بىلگەن دە - ونەر. سۋدى دۇرىس ىشپەسەڭىز، اعزاعا ءسىڭىمدى، جۇعىمدى بولماسى انىق.

اعزاعا سۋدىڭ اسا قاجەت ەكەنىن، ماڭىزدى ەكەنىن ءبارىمىز بىلەمىز. ءبىراق دۇرىس ىشە بىلمەسەك، ونى ىشكەننەن تۇك پايدا جوق.

ەندەشە سۋدى دۇرىس ءىشۋدىڭ جولدارىن قاراستىرايىق.

كوپ ىشۋگە بولمايدى. ادام كۇنىنە 2-3 ليتر سۋ ءىشۋ قاجەت دەگەن مەديتسينالىق فاكتى بار. ءبىراق كۇندە سولاي سۋ ىشەمىن دەپ قاتتى تىراشتانۋدىڭ قاجەتى جوق. اعزا قالاسا عانا سۋ ءىشىڭىز. ماسەلەن، شولدەگەندە، ىستىقتاعاندا دەگەندەي. مەديكتەردىڭ ايتۋىنشا، اعزانىڭ قاجەتىنەن ارتىق ىشىلگەن كوپ سۋ قانداعى مينەرالدى زاتتاردى، ونىڭ ىشىندە ناتري سىندى ەلەكتروليتتەردى شايىپ كەتۋى مۇمكىن.

سوندىقتان سۋ ىشكەن جاقسى، ءبىراق ارتىق ىشۋگە تىرىسپاڭىز.

سۋدى ءسىمىرىپ ىشۋگە دە بولمايدى. سۋدى ءبىر ىشكەندە، ءسىمىرىپ ءبىر-اق ىشۋگە بولمايدى. از-ازدان، دەمالىپ ىشكەن ابزال. وندايدا ادامنىڭ دەنەسى ءىسىپ كەتۋى مۇمكىن. ويتكەنى ناتري جاسۋشانىڭ ىشىنە بىردەن ەنىپ، اعزادا دەفيتسيت پايدا بولۋى مۇمكىن.

سۋسىن ءىشۋ. شولدەسەڭىز، ءشولدى قاندىرۋدىڭ ەڭ وڭاي جولى - بۇل جاي سۋ ءىشۋ. سۋسىن، شاي نە كوفە ءىشۋ ەمەس. شاي مەن كوفە ءشولدى باسپايدى، كەرىسىنشە، ءتاتتى نارسە قانداعى قانتتى كوبەيتىپ جىبەرەدى. سودان قانشا سۋ ىشسەڭىز دە، ءشولىڭىز باسىلماۋى مۇمكىن.

تاماق جەپ وتىرۋ سۋ ءىشۋ دە دۇرىس ەمەس كورىنەدى. سۋ اسقازان قىشقىلىن سۇيىلتىپ جىبەرەدى دە، اس-اۋقات دۇرىس قورىتىلمايدى. سۋدى تاماق ىشكەنگە دەيىن جارتى ساعات بۇرىن ءىشىڭىز.

سۋىق ىشۋگە بولمايدى. سالقىن سۋ ىشپەۋگە تىرىسىڭىز. ونىڭ ورنىنا جىلى سۋ ىشكەن ءجون. سۋىق سۋ وڭەش پەن اسقازاندى تىتىركەندىرەدى. اعزا سودان شوك الۋى مۇمكىن. اسقازاننىڭ اس قورىتۋ فۋنكتسياسى ناشارلاپ كەتەدى.

كراننىڭ سۋىن ىشپەڭىز. قۇبىردا فتور، پلاستيك پەن حلور، باسقا دا زياندى زاتتار كوپ. ولار گورمون بولىنىسىنە، ەر ادامنىڭ ۇرپاق قالدىرۋ كۇشىنە كەرى اسەر ەتۋى مۇمكىن.

massaget.kz