الەمدە كوروناۆيرۋس ىندەتىنەن 6 ميلليوننان استام ادام قايتىس بولعان

None
None
نۇر-سۇلتان. قازاقپارات – Worldometers-تىڭ ۇنەمى جاڭارتىلىپ وتىراتىن باقىلاۋ پاراعى 2022 -جىلعى 20-ناۋرىزداعى جاعداي بويىنشا الەمدە COVID-19 كوروناۆيرۋس اۋرۋىنان 6098227 ادامنىڭ قايتىس بولعان (تاۋلىگىنە+3827). ال 470 ميلليوننان استام ادام ۆيرۋس جۇقتىرعان.

بۇل تۋرالى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ حابارلايدى. قازىرگى ۋاقىتتا 64 ميلليونعا جۋىق ادامنان ۆيرۋس انىقتالدى، 400 ميلليوننان استام اۋرۋدان ساۋىقتى. ءولىم-ءجىتىمنىڭ ورتاشا كورسەتكىشى %1,3. گەرمانيا فەدەرالدى دەڭگەيدە كوروناۆيرۋسقا قارسى شەكتەۋلەردىڭ كوپشىلىگىن الىپ تاستادى.

الايدا، ايماقتىق دەڭگەيدە شەكتەۋلەر ءوز كۇشىندە قالۋى مۇمكىن. 20-ناۋرىزدان باستاپ Deutsche Bahn پويىزدارىندا «3G ەرەجەسى» الىنىپ تاستالادى، وعان سايكەس تەك ۆاكسيناتسيالانعان، اۋىرعان نەمەسە كوروناۆيرۋسقا سىناق جاساعاننان كەيىن تەرىس ناتيجە انىقتالعان ادامدارعا جۇرۋگە رۇقسات ەتىلدى.

«سونىمەن قاتار، جۇمىس ورنىندا «3G ەرەجەسىن» ساقتاۋ قاجەت ەمەس. بولاشاقتا كاسىپورىندار تاۋەكەلدەردى ءوز بەتىنشە باعالاپ، قاجەت بولعان جاعدايدا پاندەميادان قورعاۋ شارالارىن قابىلداۋى كەرەك»، - دەلىنگەن حابارلامادا.

سوڭعى جاڭالىقتار