شىمكەنتتە ارنايى ورتالىقتا قانداستار 6 اي تەگىن تۇرىپ، قازاقشا جانە ورىسشا ۇيرەنە الادى
- ق ر س ءى م وتانداستار قورى تاراتقان مالىمەتكە قاراعاندا ورتالىقتاعى 39 بولمە 170 ادامعا ارنالعان. مۇندا تاريحي وتانىنا ورالعان قانداستارىمىز 6 اي تەگىن تۇرىپ، تەگىن قىزمەت تۇرلەرىن پايدالانا الادى.
قانداستار ءۇشىن ارنايى اسحانا، دەمالاتىن بولمە جانە ارنايى وقۋ بولمەسى بار. قانداستارعا 6 ءتۇرلى كىشى كاسىپتىك ماماندىق (اسپازشى، كونديتەر، ەسەپ جانە اۋديت، ەلەكتريك، تىگىنشى، گازەلەكترودا نەكەرلەۋشى) جانە قازاق ءتىلى، ورىس ءتىلى، ق ر زاڭناماسى، ق ر تاريحى، ەتنو- پەداگوگيكا (ادەت- عۇرىپ) ، حالىق پەداگوگيكاسىنداعى وتباسىلىق تاربيە سىندى 6 پاندىك دارىستەر قالاۋلارى بويىنشا ۇزدىكسىز وقىتىلادى.
«سونىمەن قاتار ەلىمىزدەگى مادەني، مەرەكەلىك ءىس- شارالاردى ۇيىمداستىرىپ، اتاجۇرتىنا ورالعان قانداسقا تاريح قويناۋىندا قالىپ قويعان ەستەلىكتەردى ەسكە تۇسىرۋگە ات سالىسامىز. قالامىزداعى «شىمكەنت - قايىرىمدى قالا» باعىتىندا جۇمىس اتقاراتىن قايىرىمدىلىق قورلارمەن جۇمىس جاساپ، الەۋمەتتىك مارتەبەسى تومەن وتباسىلارعا قول ۇشىن سوزىپ، الەۋەتىن ارتتىرۋ ءۇشىن جۇمىس اتقارىلادى» دەيدى ورتالىق ماماندارى.
ورتالىققا 2008 -جىلدان قازىرگى تاڭعا دەيىن 781 وتباسى، 2176 قانداس كەلىپ بەيىمدەۋ قىزمەتتەرىن پايدالانىپ، 1046 قانداس كىشى كاسىپتىك ماماندىق الىپ شىقتى.
ورتالىقتا بۇگىندە 14 وتباسى 35 قانداس بار. ونىڭ 16 سى - بالالار، 19 ى - ەرەسەكتەر.