10:15, 18 - قازان 2021 | GMT +6
بۇگىن 6 قالادا اۋا ساپاسى ناشارلايدى
نۇر- سۇلتان. قازاقپارات - «قازگيدرومەت» رم ك 18 - قازان كۇنى قازاقستان قالالارىندا كۇتىلەتىن اۋا ساپاسى تۋرالى مالىمەت ۇسىندى، دەپ حابارلايدى قازاقپارات.
دۇيسەنبى كۇنى قولايسىز مەتەورولوگيالىق جاعدايلار (دارەجەسىز) نۇر- سۇلتان جانە قوستاناي قالالارىندا بولجانادى.
1-دارەجەلى قولايسىز مەتەوجاعداي (ءبىر نەمەسە بىرنەشە لاستاۋشى زاتتار كونتسەنتراتسياسىنىڭ رۇقسات ەتىلگەن شەكتى نورمادان اسىپ كەتۋى) پاۆلودار قالاسىندا كۇتىلەدى.
ال ريددەر، سەمەي جانە وسكەمەن قالالارىندا 2-دارەجەلى قولايسىز مەتەورولوگيالىق جاعدايلار (ءبىر نەمەسە بىرنەشە لاستاۋشى زاتتار كونتسەنتراتسياسىنىڭ رۇقسات ەتىلگەن شەكتى نورمادان 3 تەن جوعارى اسۋى) قالىپتاسادى.