09:19, 08 - تامىز 2021 | GMT +5
قازاقستاندا كوروناۆيرۋس ۆاكسيناسىن العاندار 6 ميلليونعا جۋىقتاپ قالدى
نۇر-سۇلتان. قازاقپارات - قازاقستاندا ۆاكسينانىڭ ءبىرىنشى كومپونەنتىن العاندار سانى 5,7 ميلليوننان استى، دەپ حابارلايدى قازاقپارات دەنساۋلىق ساقتاۋ مينيسترلىگىنە سىلتەمە جاساپ.
«2021 -جىلعى 8-تامىزداعى مالىمەت بويىنشا قازاقستاندا I كومپونەنتپەن 5727414 ادام ۆاكسينا سالدىردى، II كومپونەنتپەن 4356279 ادام»، دەلىنگەن حابارلامادا.
ۆاكسينا سالدىرۋدان ەلىمىزدە الماتى قالاسى ءبىرىنشى ورىندا، 768 مىڭ ادام ەكپەنىڭ ءبىرىنشى كومپونەنتىن، 601 مىڭ ادام ەكىنشى كومپونەنتتى سالدىرعان. ەكىنشى ورىندا تۇركىستان وبلىسى، 624 مىڭ ادام ەكپەنىڭ ءبىرىنشى بولىگىن السا، ەكىنشى بولىگىن 455 مىڭ ادام ەگىلگەن. ءۇشىنشى ورىندا الماتى وبلىسى تۇر. وڭىردە 581 مىڭ ۆاكسينانىڭ ءبىروىنشى كومپونەنتىن، 439 مىڭ ادام ەكىنشى كومپونەنتىن العان.
