قازاقستاندا 6 اۋە كومپانياسىنىڭ قىزمەتى توقتاتىلىپ، ەكەۋىنىڭ سەرتيفيكاتى قايتارىپ الىندى
نۇر- سۇلتان. قازاقپارات - 2020-جىلى قازاقستاندا التى اۋە كومپانياسىنىڭ قىزمەتى توقتاتىلىپ، ەكەۋىنىڭ سەرتيفيكاتى قايتارىپ الىندى، دەپ حابارلايدى قازاقپارات ازاماتتىق اۆياتسيا كوميتەتىنە سىلتەمە جاساپ.
حالىقارالىق ازاماتتىق اۆياتسيا كۇنى ازاماتتىق اۆياتسيا كوميتەتى ەلدەگى اۆياتسيا سالاسىنىڭ ماڭىزدى تۇستارى مەن قول جەتكىزگەن جەتىستىكتەرىن اتاپ ءوتتى. ۆەدومستۆونىڭ مالىمەتىنشە، 2020 -جىلدىڭ 1-قاڭتارىنان باستاپ بۇگىنگى كۇنگە دەيىن قازاقستاننىڭ اۆياتسيالىق اكىمشىلىگىنىڭ ينسپەكتورلارى پايدالانۋشىنىڭ 43 ينسپەكتسيالىق تەكسەرۋىن جانە 8 سەرتيفيكاتسياسىن جۇرگىزدى.
«6 وپەراتوردىڭ قىزمەتى توقتاتىلدى: Jet Airlines, Jenis Air، Azee Air، Phoenix, Qazaq Helicopters, MS AIR KZ. BekAir، Sigma Airlines اۋە كومپانيالارىنىڭ سەرتيفيكاتتارى قايتارىپ الىندى. اۆياتسيالىق اكىمشىلىك اۋە كەمەلەرىنە 240 ينسپەكتسيالىق تەكسەرۋ جۇرگىزدى، 79 ازاماتتىق اۋە كەمەلەرىنە مەملەكەتتىك تىركەۋ كۋالىگى بەرىلدى، ۇشۋعا جارامدىلىق تۋرالى 145 سەرتيفيكات، 17 اۆياتسيالىق تەحنيكاعا تەحنيكالىق قىزمەت كورەسەتۋ جانە جوندەۋ جونىندەگى ۇيىمنىڭ سەرتيفيكاتى بەرىلدى. اۋەجايلارعا 15 ينسپەكتسيالىق تەكسەرۋ، 20 سەرتيفيكاتسيالاۋ جۇرگىزىلدى. اۆياتسيا پەرسونالىنا كۋالىك بەرۋ بويىنشا 2638 مەملەكەتتىك قىزمەت، اۆياتسيالىق وقۋ ورتالىقتارىنا 13 مەملەكەتتىك قىزمەت كورسەتىلدى. 3 اۆياتسيالىق وقۋ ورتالىعىنىڭ قىزمەتى توقتاتىلدى: Bek Air، Ultuga جانە Sky School» « دەلىنگەن حابارلامادا.
