قازاقپارات كۇنتىزبەسى: 6- قاراشا
اتاۋلى كۇندەر
حالىقارالىق قارۋلى قاقتىعىستار كەزىندە قورشاعان ورتانى ساقتاۋ كۇنى
ب ۇ ۇ باس اسسامبلەياسىنىڭ 2001-جىلعى 5- قاراشاداعى 56/4 قارارى بويىنشا اتاپ وتىلەدى. بۇل شەشىمدى قابىلداۋدا ب ۇ ۇ قارۋلى قاقتىعىستاردىڭ قورشاعان ورتاعا تيگىزەتىن كەرى اسەرى ۇزاق ۋاقىتقا دەيىن ەكوجۇيە مەن تابيعي رەسۋرستارعا زيانىن تيگىزەتىنىن نەگىزگە الدى.
حالىقارالىق عىلىم جانە بەيبىتشىلىك اپتالىعى
اپتالىق 1988-جىلدان بەرى كەڭىنەن مەرەكەلەنەدى. ونى 11- قاراشا تۋرا كەلگەن اپتادا اتاپ وتەدى. 11- قاراشا – 10- قاراشادا تويلاناتىن عىلىم-بەيبىتشىلىك جانە دامۋ ءۇشىن دۇنيەجۇزىلىك كۇنىنەن كەيىنگى كۇن.
اپتالىقتى جىل سايىن اتاپ ءوتۋ بەيبىتشىلىك ورناتۋعا سۇبەلى ۇلەسىن قوسادى. ول بارشاعا بىردەي ماڭىزى بار تاقىرىپتار بويىنشا عىلىم الماسۋعا ىقپال جاساپ، جۇرتشىلىقتىڭ عىلىم جانە بەيبىتشىلىكتىڭ ءوزارا بايلانىسىنا نازارىن اۋدارتادى.
ەستە قالار وقيعالار
1992-جىلى الماتىداعى رايىمبەك باتىر كوشەسىنىڭ بويىنداعى زيراتتا اتاقتى ءانشى امىرە قاشاۋبايەۆقا قويىلعان ەسكەرتكىش- قۇلپىتاستىڭ اشىلۋ سالتاناتى بولدى.
2004-جىلى استانا قالاسىنىڭ اكىمدىگى مەن سەۋل قالاسىنىڭ مەرى قازاقستان مەن كورەيا رەسپۋبليكالارىنىڭ استانالارى اراسىندا باۋىرلاستىق قاتىناس ورناتۋ جونىندەگى كەلىسىمگە قول قويدى. بۇل - ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىق، سونىمەن قاتار قالالىق ينفراقۇرىلىم ماسەلەلەرىندەگى ءوزارا ءىس-قيمىل جونىندەگى كەلىسىم.
2007-جىلى كاير قالاسىندا «قازاقستان رەسپۋبليكاسىنىڭ ۇكىمەتى مەن مىسىر اراب رەسپۋبليكاسىنىڭ ۇكىمەتى اراسىندا كاير قالاسىندا بەيبارىس سۇلتاننىڭ مەشىتىن قالپىنا كەلتىرۋ جونىندەگى ىنتىماقتاستىق تۋرالى كەلىسىمگە» قول قويىلدى. بۇل قۇجاتتىڭ نەگىزىندە قازاقستان، XIII عاسىردا سالىنعان نىسانداردىڭ باستىسى جانە ورتاعاسىرلىق ساۋلەت ونەرىنىڭ جاۋھار ەسكەرتكىشى سانالاتىن بۇل مەشىتتى قالپىنا كەلتىرۋگە 4,5 ميلليون ا ق ش دوللارى كولەمىندە قارجى ءبولىپ وتىر.
2009-جىلى الماتىدا «ورلەۋ» جاس بالەت ارتىستەرىنىڭ تەاترى اشىلدى. تەاتر ا. سەلەزنيەۆ اتىنداعى الماتى حورەوگرافيالىق ۋچيليشەسىنىڭ 75 جىلدىعىنا وراي اشىلعان.
2014-جىلى قازاقستاننىڭ قوعاممەن بايلانىس جونىندەگى ۇلتتىق قاۋىمداستىعى حالىقارالىق قوعاممەن بايلانىس كەڭەسشىلەرىنىڭ ۇيىمىنا (ى س س و) مۇشە بولدى. بۇل قازاقستاننىڭ الەمدىك PR- قوعامداستىقتىڭ ءبىر بولشەگى بولۋىنا جول اشىپ، ەلدەگى كوممۋنيكاتسيا يندۋسترياسىن دامىتۋعا ەلەۋلى ىقپال ەتەدى.
2015-جىلى جەزقازعاندا «ماشينا جاساۋ اسكەري-ونەركاسىپ كورپوراتسياسى عىلىمي-وندىرىستىك بىرلەستىگى» ا ق قىزمەتكەرلەرى جەرگىلىكتى تاريحي-ولكەتانۋ مۋزەيىنە «سويۋز ت م ا-18م» عارىش كەمەسىنىڭ تۇمسىق بولىگىنىڭ ەسىگىنىڭ ءبىر بولىگى سىيعا تارتىلدى. ونىمەن بىرگە ونى راستايتىن سەرتيفيكات، قازاقستاندىق ايدىن ايىمبەتوۆ، دانيالىق اندرەاس موگەنسەن جانە رەسەيلىك گەننادي پادالكانىڭ عارىش ساپارىنان ورالعان ءساتتى 2015-جىلعى 12- قىركۇيەكتە جەزقازعان تۇبىندە تۇسكەن سۋرەتى تابىس ەتىلدى.
2017-جىلى جاپون قوعامداستىعىنا العاش رەت «پرەزيدەنت نازاربايەۆ» دەپ اتالاتىن حريزانتەما سۇرپى ۇسىنىلدى. بۇل گۇل 2016-جىلى مەملەكەت باسشىسىنىڭ جاپونياعا جاسالعان رەسمي ساپارى بارىسىندا ءوسىرىلىپ، تانىستىرىلعان بولاتىن. «پرەزيدەنت نازاربايەۆ» حريزانتەماسى بيىكتىگى 2 مەترگە دەيىن جەتەدى، تىعىز ورنالاسقان كۇلتەلەرىمەن جانە ادامنىڭ باسىنا تەڭ كەلەتىندەي سارى تۇينەگىنىڭ كولەمىمەن ەرەكشەلەنەدى.
2018-جىلى استانادا ق ر مادەنيەت جانە سپورت مينيسترلىگىنىڭ تاپسىرىسىمەن تۇسىرىلگەن «الاش تۋى استىندا» دەرەكتى فيلمىنىڭ تۇساۋى كەسىلدى. فيلمنىڭ جۇمىس توبى الاش قايراتكەرلەرىنىڭ ىزىمەن سەمەيدىڭ الاش قالاسى اتالعان اۋماعىندا، ماسكەۋدەگى كرەمل، سانكت-پەتەربۋرگتەگى دۋما وتىرىستارى وتكەن تاۆريا سارايىندا، سمولنىيدا، سانكت-پەتەربۋرگ، قازان ۋنيۆەرسيتەتىندە، ۋفاداعى مەملەكەتتىك ءماجىلىس وتكەن بۇرىنعى «سىبىر» قوناق ۇيىندە ءتۇسىرۋ جۇمىستارىن جۇرگىزدى. دەرەكتى تۋىندى «ويان، قازاق!»، «جاريالانباعان اۆتونوميا» جانە «قاتەرلى وتكەل» سەكىلدى ءۇش بولىمنەن تۇرادى.
2018-جىلى «Astana Hub» حالىقارالىق ІТ- ستارتاپتار تەحنوپاركى رەسمي ىسكە قوسىلدى. Astana Hub ميسسياسى - ەل ەكونوميكاسىن نىعايتۋ ءۇشىن ستارتاپ- مادەنيەتتى دامىتۋ جانە جوعارى تەحنولوگيالىق جوبالاردى قولداۋ. الداعى ۋاقىتتا تەحنوپارك قازاقستان يننوۆاتسياسىنىڭ ەكوجۇيەسىن دامىتۋدىڭ وزەگى ءارى لوكوموتيۆىنە اينالىپ، تەحنولوگيالىق بيزنەستى دامىتۋ ءۇشىن حالىقارالىق دەڭگەيدە مويىندالعان حاب بولۋى قاجەت.
