قار، كوكتايعاق، بۇرقاسىن: 6- قاراشا كۇنگى اۋا رايى بولجامى
كەي جەرلەردە جاڭبىر، قار جاۋادى. رەسپۋبليكانىڭ تەك وڭتۇستىك-باتىسىندا سارسەنبى جاۋىن-شاشىنسىز وتەدى. جەكەلەگەن وڭىرلەردە ەكپىندى جەل، تۇمان، كوكتايعاق، سولتۇستىك پەن شىعىستا جاياۋ بۇرقاسىن بولجانادى، دەپ حابارلايدى قازاقپارات.
«قازگيدرومەت» ر م ك مالىمەتىنە سايكەس، سولتۇستىك قازاقستان، قوستاناي وبلىستارىندا تۇمان، كوكتايعاق، جاياۋ بۇرقاسىن كۇتىلەدى. تۇندە كەي جەرلەردە، كۇندىز باسىم بولىگىندە جەلدىڭ كۇشى 15-20 م/س كۇشەيەدى.
اقمولا وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن، 15-20 م/س ەكپىندە جەل بولادى.
پاۆلودار، قاراعاندى، الماتى، جامبىل، شىعىس قازاقستان وبلىستارىنىڭ كەي جەرلەرىندە تۇمان، كوكتايعاق كۇتىلەدى. شىعىس قازاقستان وبلىسىنىڭ جەكەلەگەن اۋماعىندا جاياۋ بۇرقاسىن جۇرەدى.
ماڭعىستاۋ، باتىس قازاقستان، قىزىلوردا، اقتوبە وبلىستارىنىڭ كەي جەرلەرىندە تۇمان كۇتىلەدى. ماڭعىستاۋ، باتىس قازاقستان، تۇركىستان وبلىستارىندا جەل 15-20 م/س جەتەدى.
