قاراعاندى وبلىسىندا جارتى جىل ىشىندە 6 بالا تەرەزەدەن قۇلاعان
سوڭعى 6 ايدا ت ج د قىزمەتكەرلەرىنىڭ مالىمدەۋىنشە، قاراعاندى وبلىسىندا التى بالا تەرەزەدەن قۇلاپ كەتتى.
8 -ءساۋىر كۇنى 12-شاعىناۋداندا اتا-اناسىنىڭ قاراۋىنسىز قالعان بالا 5-قاباتتاعى بالكوننان قۇلاپ، اۋرۋحاناعا جەتكىزىلدى.
2019 -جىلى 12 -مامىردا قاراعاندى قالاسىندا كۇزەمبايەۆ كوشەسىندە 2015 -جىلى تۋىلعان بالا 3-قاباتتا ورنالاسقان پاتەردىڭ تەرەزەسىنەن ابايسىزدا قۇلاپ كەتىپ، العان جاراقاتتان قايتىس بولدى.
14 -مامىر كۇنى ساعات 21.00-دە ەرەسەكتەردىڭ قاراۋىنسىز قالعان 5 جاسار بالا 3-قاباتتا ورنالاسقان پاتەردىڭ تەرەزەسىنەن ابايسىزدا قۇلاپ، جاراقاتتارىمەن اۋرۋحاناعا جاتقىزىلدى.
30 -مامىر كۇنى 16-شاعىناۋداندا 2006 -جىلى تۋعان بالا ابايسىزدا 2-قاباتتىڭ تەرەزەسىنەن قۇلاپ، اۋرۋحاناعا جەتكىزىلدى.
1 -ماۋسىم كۇنى ساتبايەۆ قالاسىندا ۇلكەندەردىڭ قاراۋىنسىز قالعان 4 جاسار بالا 5 قاباتتى پاتەردىڭ تەرەزەسىنەن قۇلاپ، كوز جۇمدى.
2 -ماۋسىم كۇنى شەت اۋدانىنىڭ اعادىر كەنتىندە ەرەسەكتەردىڭ قاراۋىنسىز قالعان 2016 -جىلى تۋىلعان ءسابي ابايسىزدا 3-قاباتتىڭ تەرەزەسىنەن قۇلاپ، اۋرۋحاناعا جاتقىزىلدى.
ەرەسەكتەر مەن اتا-انالارىنىڭ قاراۋىنسىز قالۋ - بالالاردىڭ جاراقاتتانۋى مەن قازا بولۋىنىڭ نەگىزگى سەبەبى، دەيدى توتەنشە جاعداي قىزمەتكەرلەرى.
بالالاردىڭ قازا بولۋ فاكتىلەرىن ەسكەرە وتىرىپ جانە تەرەزەدەن قۇلاۋ سەكىلدى جازاتايىم وقيعالاردىڭ الدىن الۋ ماقساتىندا قاراعاندى وبلىسىنىڭ توتەنشە جاعدايلار دەپارتامەنتى كەلەسىدەي نۇسقاۋلىقتارعا قۇلاۋ ءتۇرۋدى وتىنەدى:
1. كىشكەنتاي بالالاردى جالعىز قالدىرماڭىزدار، سەبەبى اتا-انالار بالالارىن قاراۋسىز قالدىرعاندا، قايعىلى جاعدايلار ورىن الادى.
2. بالا تەرەزەگە كوتەرە الماۋى ءۇشىن بارلىق جيھازدى تەرەزەدەن الىستاتىپ جىلجىتىڭىزدار.
3. ەشۋاقىتتا موسكيت تورعا سەنىم ارتپاڭىزدار! ولار بالالاردى قۇلاپ كەتۋدەن ساقتاۋعا ارنالماعان! كەرىسىنشە- موسكيت تورى قايعىلى وقيعاعا ىقپال ەتەدى، سەبەبى بالا ءوزىن ءقاۋىپسىز سەزىنەدى دە، سول تورعا سۇيەنەدى. بالالار تورلارمەن بىرگە قۇلاۋى وتە ءجيى كەزدەسەدى.
4. بالاعا تەرەزەنى بىرنەشە سانتيمەتردەن ارتىق اشۋعا مۇمكىندىك بەرمەيتىن ارنايى بەكىتكىشتەر ورناتۋ كەرەك.
5. ەگەر ءسىز بالاعا تەرەزەدەن بىردەڭە كورسەتسەڭىز، ونى ءاردايىم مىقتى ۇستاپ تۇرىڭىز، بالانىڭ شاپشاڭ قيمىلدارىنا دايىن بولىڭىز، الاقانىڭىز قۇرعاق بولعانى دۇرىس، بالانى كيىمىنەن ۇستاماڭىز.
6. ەگەر سىزدە ءدال قازىر ساقتاندىرۋ قۇرىلعىسىن ورناتۋعا مۇمكىندىك بولماسا، ءسىز قاجەت بولعان جاعدايدا جانە قولدانعاننان كەيىن بىردەن تەرەزەنىڭ تۇتقاسىن وڭاي اينالدىرىپ، الىپ تاستاي الاسىز.