03:19, 01 - مامىر 2019 | GMT +6
كريشتيانۋ رونالدۋ ءوز كومانداسىنان كورگىسى كەلەتىن 6 فۋتبولشى
نۇر-سۇلتان. قازاقپارات - «يۋۆەنتۋس» فۋتبول كلۋبىنىڭ پورتۋگالدىق شابۋىلشىسى كريشتيانۋ رونالدۋ ءوز كومانداسىنىڭ قاتارىنان كورگىسى كەلەتىن 6 فۋتبولشىنىڭ ەسىمىن اتادى، - دەپ جازادى Mirror باسىلىمى.
تۋريندىك كوماندا جازعى اۋىسىم كەزىندە قۇرامىن كۇشەيتپەك. ول ءۇشىن كوماندادا ويناپ كەتە الاتىن فۋتبولشىلاردى تاڭداۋ دا ماڭىزدى. بۇل تاقىرىپ بويىنشا باس جاتتىقتىرۋشى ماسسيميليانو اللەگري كوماندا كوشباسشىسىمەن اقىلداسقان. پورتۋگالدىق فۋتبولشى ءوز كومانداسىنان كورگىسى كەلەتىن فۋتبولشىلاردىڭ ءبىرى، ول - وتانداسى جواۋ فەليش.
19 جاستاعى ويىنشى قازىرگى تاڭدا ليسسابوننىڭ «بەنفيكا» كلۋبىندا وينايدى. وسى ماۋسىمدا ايرىقشا تالانتىمەن تانىلدى. سونداي-اق «رەالداعى» بۇرىنعى كوماندالاستارى رافاەل ۆاران جانە يسكومەن بىرگە الاڭدا قايتا دوپ تەپكىسى كەلەدى. رونالدۋ ايتقان 6 ويىنشىنىڭ قاتارىنا «فيورەنتينا» كومانداسىنىڭ ۆينگەرى فەدەريكو كەزا، «روما» كومانداسىنان قورعاۋشى كونستانتينوس مانولاس جانە «ليون» كلۋبىنىڭ جارتىلاي قورعاۋشىسى تانگي ندومبەلە ەنگەن.