بەت تەرىسى كۇتىمى: ليمون قوسىلعان 6 ماسكا
ۇيدە دايىنداۋعا بولاتىن ليمون قوسىلعان 6 ماسكانىڭ رەتسەپتىن ۇسىنامىز. ماسكا- پيلينگ بەتتى ۋاقىتىلى تازارتۋ كەرەك. تەرىدەگى قابىرشاقتانعان جاسۋشالار سانى كۇن سايىن وسە بەرەدى. تەرىنى تازارتۋعا پيلينگ كومەكتەسەدى. جاس ۇلعايا كەلە تەرى تۇلەۋىنىڭ تابيعي پروتسەستەرى 30 ەسە باياۋلايدى. ەپيدەرميس قاباتتارى ءوسىپ، ءبىر- بىرىنە قاباتتانا بەرەدى. بەت تەرىسى قايتادان تىنىس الۋى ءۇشىن ليمونمەن پيلينگ جاساۋعا بولادى.
ليموندى سىعىپ، دانەگى كەتىپ قالماس ءۇشىن شىرىنىن ۇساق ەلەكتەن وتكىزىڭىز. ونىمەن بەتىڭىزدى ءسۇرتىپ، 20 مينۋتقا قالدىرىڭىز. سودان سوڭ جۋىپ تاستاڭىز. بۇل ماسكا- پيلينگ ءارتۇرلى ءتيپتى تەرىگە جانە كەز كەلگەن جاستاعى ادامدارعا كەلە بەرەدى. ۇن قوسىلعان اعارتاتىن ماسكا ەگەر تەرىڭىز داقتاردىڭ شىعۋىنا بەيىمدى بولسا، ليمون قوسىلعان اعارتۋشى ماسكا كۇندەلىكتى بەت كۇتىمىنىڭ ءبىر بولىگىنە اينالۋى قاجەت. ونى ۇيىقتار الدىندا جاساعان دۇرىس. سىزگە 1 اس قاسىق جاڭا سىعىلعان ليمون شىرىنى مەن 1 شاي قاسىق ۇن قاجەت. ينگرەديەنتتەردى ارالاستىرىپ، قوسپانى بەتكە قالىڭ ەتىپ جاعىڭىز. ونىڭ سىرتىنان سۇلگىمەن نەمەسە تىعىز ماتامەن جاۋىپ قويىڭىز.
ماسكانى 20 مينۋت شاماسىندا ۇستاڭىز. سودان سوڭ جۋىپ تاستاڭىز. ءزايتۇن مايى قوسىلعان اعارتاتىن ماسكا جۇمىرتقا مەن ليمون شىرىنى ۇيلەسىمى جۇمساق اعارتۋشى قاسيەتىمەن تانىمال. بۇل ماسكانى مايلى جانە قۇرعاق تەرىگە قولدانۋعا بولادى. ماسكانى دايىنداۋ ءۇشىن 1 اس قاسىق ليمون شىرىنى مەن 1 اس قاسىق ءزايتۇن مايىن ارالاستىرىڭىز. جۇمىرتقانىڭ سارىسىن شانىشقىمەن جاقسىلاپ ارالاستىرىپ، قوسپاعا قۇيىڭىز. ماسكانى بەتكە جاعىپ، 15 مينۋت ۇستاڭىز. مايلى تەرىگە ارنالعان تازارتۋشى ماسكا ليموننىڭ مايلى تەرىگە پايداسى بۇرىن دالەلدەنىپ قويعان. ول بەتتەگى ينفەكتسيالار كوزىمەن كۇرەسىپ، ۇساق تەسىكتەردى تارىلتۋعا كومەكتەسەدى.
ليمون، بال جانە تۇزدى ۇيلەستىرىپ، ءتيىمدى ماسكا دايىنداۋعا بولادى. ول ءۇشىن 1 شىم شىم تۇزدى، 1 شاي قاسىق ليمون شىرىنىن جانە 0,5 شاي قاسىق جىلىتىلعان بالدى ارالاستىرىپ، ماسكانى بەتكە جاعىڭىز. ونى 20 مينۋتتان سوڭ جۋىپ تاستاڭىز. سەرگىتۋشى ماسكا سەرگىتۋشى ماسكانى كەز كەلگەن ءتيپتى تەرىگە جاساۋعا بولادى. 1 اس قاسىق سۇلى جارماسىنا 2 شاي قاسىق ليمون شىرىنىن جانە 1 اس قاسىق مايسىز قايماقتى قوسىپ، بارلىعىن جاقسىلاپ ارالاستىرىڭىز. ماسكانى بەتكە جاعىپ، اقىرىن ماسساج جاساڭىز. ماسكانى 15 مينۋتتان سوڭ جۋىپ تاستاڭىز.
ءۇي كرەم- ماسكاسى ليمون تابيعي يوگۋرتپەن جاقسى ۇيلەسەدى. ەگەر تەرىڭىز مايلى نەمەسە ارالاس بولسا، مايسىزداندىرىلعان يوگۋرت، ال ەگەر تەرىڭىز قۇرعاق بولسا، مايلى يوگۋرت قولدانىڭىز. ماسكا دايىنداۋ ءۇشىن 2 اس قاسىق تابيعي يوگۋرتقا 1 شاي قاسىق بال مەن 1 شاي قاسىق ليمون شىرىنىن قوسىڭىز. قالاۋىڭىزعا قاراي امپۋلاداعى ە دارۋمەنىن قوسۋعا بولادى. دايىن كرەمدى بەت تەرىسىنە جاعىپ، شامالىدان سوڭ جۋىپ تاستاڭىز. مۇنداي كرەمدى سالقىن جەردە 3-4 كۇننەن ارتىق ساقتاۋعا بولمايدى. بارلىق پروتسەدۋرالاردى اپتاسىنا 1-2 رەت قايتالاڭىز. ولاردى 8-12 رەت كۋرسپەن ورىنداساڭىز جاقسى بولادى.
ەگەر ليمون بەتىڭىزدى كۇيدىرسە، پروتسەدۋرانى جالعاستىرماڭىز. بۇل ءۇي ماسكالارىنان سوڭ تەرىگە قاراپايىم ىلعالداندىرۋشى كرەم جاققان ءجون. ەسكەرتۋ: ليمونى بار ماسكالاردى تەرىسى وسى ونىمگە سەزىمتال ادامدارعا جانە تەرىسىندە اشىق جارا نەمەسە قابىنۋى بار ادامدارعا قولدانۋ ۇسىنىلمايدى.
Massaget.kz