قازاقستاندا 6 ميلليوننان استام ادام سەيسميكالىق قاۋىپتى ايماقتا تۇرادى

الماتى. قازاقپارات - ەلەكتروندى ۇكىمەتتىڭ سايتىندا ق ر ۇكىمەتىنىڭ «قازاق قۇرىلىس جانە ساۋلەت عىلىمي- زەرتتەۋ جانە جوبالاۋ ينستيتۋتى» اكسيونەرلىك قوعامىنىڭ اتاۋىن وزگەرتۋ تۋرالى» قاۋلىسىنىڭ جوباسى جارياداندى، دەپ حابارلايدى قازاقپارات ءتىلشىسى.

جوبادا قاز ق س ع ز ي اتاۋىن «قازاق سەيسميكالىق بەرىك قۇرىلىس جانە ساۋلەت عىلىمي- زەرتتەۋ جانە جوبا-ەكسپەريمەنتالدىق ينستيتۋتى» ا ق دەپ وزگەرتۋ ۇسىنىلعان.

جوبادا، ينستيتۋتتىڭ اتاۋىن وزگەرتۋدىڭ باستى سەبەبى رەتىندە، ونىڭ قۇرىلىس سالاسىنداعى سەيسميكالىق قاۋىپسىزدىكتى قامتاماسىز ەتۋ ماسەلەلەرىن قامتيتىن قىزمەتى اتاپ كورسەتىلگەن. قوعامنىڭ وسى قىزمەتىنىڭ ناتيجەسىندە قازاقستان نارىعىندا بالاماسى جوق ونىمدەر (ساراپتاما قورىتىندىلارى، ارنايى تەحنيكالىق جاعدايلار، عىلىمي- تەحنيكالىق ەسەپتەر، نورماتيۆتەر، كۇردەلى نىسانداردىڭ جوبالارى، ۇسىنىستار، ت. ب. ) جاسالادى.

«قازاقستان اۋماعىنىڭ سەيسميكالىق قاۋىپتى ايماق سانالاتىن ۇشتەن ءبىر بولىگىندە 6 ميلليوننان استام ادام تۇرادى. 400-دەن استام قالالار مەن ەلدى مەكەندەر، ونەركاسىپ الەۋەتىنىڭ %40- ى وسى ايماقتارعا شوعىرلانعان. «ق ر سەيسميكالىق اۋداندارىنداعى (ايماقتارىندا) قۇرىلىس» ەرەجەلەرى جيناعىنا (2.03-30-2017 ق ر ە ج) سايكەس، الماتى قالاسى، الماتى، اتىراۋ، اقتوبە، شىعىس قازاقستان، جامبىل، باتىس قازاقستان، قاراعاندى،  قىزىلوردا، ماڭعىستاۋ، وڭتۇستىك قازاقستان وبلىستارى سەيسميكالىق قاۋىپتى ايماقتا ورنالاسقان. ۇيىمنىڭ ەسكى اتاۋىن جاڭعىرتۋدىڭ نەگىزى وسىندا جاتىر»، - دەلىنگەن قۇجاتتا.

بۇدان تىس، سوڭعى ونجىلدىقتاردا اتىراۋ، باتىس قازاقستان، ماڭعىستاۋ وبلىستارىندا ورنالاسقان مۇناي ونەركاسىبىنە ماماندانعان اۋدانداردا، كومىرسۋتەك شيكىزاتىن قارقىنمەن وندىرۋگە بايلانىستى، تەحنوگەندىك سيپاتتاعى قۋاتتى جەر سىلكىنىستەرى بولۋ ءقاۋپى بار.

قازىرگى كەزدە ەل اۋماعىندا نەگىزگى قىزمەتى سەيسميكالىق قۇرىلىستارعا ماماندانعان باسقا ۇيىم جوق. وسىعان بايلانىستى، سەيسميكالىق قۇرىلىس جونىندەگى فۋنكسيالاردى جارعى كاپيتالىنا مەملەكەت قاتىساتىن زاڭدى تۇلعاعا بەرۋ قاجەتتىگى تۋىنداپ وتىر، - دەلىنگەن قاۋلى جوباسىندا.

قاۋلى جوباسىن جاريالى تالقىلاۋ 18 -قىركۇيەككە دەيىن جالعاسادى.