15:04, 31 - تامىز 2018 | GMT +5
گولوۆكيننىڭ بوكس قولعابى 6 ميلليون تەڭگەگە ساتىلدى
استانا. قازاقپارات - Burabike 2018 قايىرىمدىلىق ۆەلوشەرۋى اياسىندا وتكەن اۋكسيوندا قازاقستاندىق بوكسشى گەننادي گولوۆكيننىڭ قولتاڭباسى قويىلعان بوكس قولعابى 6 ميلليون تەڭگەگە ساتىلدى، دەپ حابارلايدى قازاقپارات ءتىلشىسى.
قايىرىمدىلىق شاراسى اياسىندا ۇيىمداستىرىلعان اۋكتسيوندا گ. گولوۆكيننىڭ قولتاڭباسى قويىلعان قولعابى 6 ميلليون تەڭگەگە ساتىلدى. ودان وزگە اۋكسيوندا تەننيسشى زارينا دياستىڭ قولتاڭباسى قويىلعان تەننيس راكەتكاسى، ب. شۇكەنوۆ اتىنداعى قوردىڭ اتىنان ءانشىنىڭ جەكە اندەر جيناعى، «اسىل ميراس» اۋتيزممەن اۋىراتىن بالالار ورتالىعىنىڭ كارتينالارى جانە تاعى باسقا قوماقتى دۇنيەلەر قويىلدى.
بۇعان دەيىن بۋرابايدا داستۇرگە اينالعان Burabike 2018 قايىرىمدىلىق ۆەلوشەرۋى باستالعانىن ايتقان بولاتىنبىز. قايىرىمدىلىق قورىنان تۇسكەن قارجىنىڭ بارلىعى بالالار اۋرۋحاناسىنا قاجەتتى جابدىقتار الۋعا جۇمسالادى.
