ادامزات تاپقان ەڭ ەرەكشە 6 پلانەتا

استانا. قازاقپارات -  كۇن جۇيەسىندە ءبىز بىلەتىن 9 پلانەتا بار. كەيىن كەلىپ ونىنشى پلانەتانى تاپقان عالىمدار وعان وزگەرىس جاساعانىن جاقسى بىلەمىز. دەگەنمەن مەكتەپتە ءبىز تەك ساناۋلى پلانەتالاردى عانا وقيمىز، بىلەمىز.

عالىمدار كۇن سايىن عارىشتان ءتۇرلى قىزىققا تاپ بولادى. كەيدە ءسىز بەن ءبىز ويلاعان دۇنيەلەر بولماي شىعادى. سونىمەن ادامزات تاريحىنداعى ەڭ ەكسترەمالدى، ەڭ ەرەكشە دەگەن 6 پلانەتامەن تانىس بولىڭىز! ەڭ ىستىق پلانەتا پلانەتالاردىڭ ىستىق بولۋى ولاردىڭ قاسىندا ورنالاسقان جۇلدىزبەن ارا قاشىقتىققا جانە جۇلدىزدىڭ تەمپەراتۋراسىنا بايلانىستى.

 ءبىزدىڭ كۇن جۇيەمىزدە ەڭ ىستىق الىپ جۇلدىزعا جاقىن ورنالاسقان پلانەتا - مەركۋريي. ونىڭ كۇنمەن اراسى 57 910 000 كم. ونداعى كۇندىزگى تەمپەراتۋرا +430 گرادۋسقا دەيىن جەتەدى.

ءبىراق كۇن جۇيەسىندەگى ەڭ ىستىق پلانەتاعا HD 195689 نەمەسە KELT-9 دەپ اتالىپ كەتكەن پلانەتا جاتادى. ونداعى تەمپەراتۋرا 10 مىڭ گرادۋسقا جەتەدى.

ەڭ سۋىق پلانەتا ەڭ سۋىق پلانەتا بولىپ -223 گرادۋستى كورسەتەتىن OGLE-2005-BLG-390Lb جاتادى. اتالعان پلانەتانى «حوت» دەپ تە اتايدى. بۇل اتاۋدى وعان ەڭ سۋىق «جۇلدىزدى سوعىس» پلانەتاسىنىڭ قۇرمەتىنە بەرگەن. بۇل پلانەتاداعى تىرشىلىك كوزى جوق.

ەڭ الىپ پلانەتا كۇن جۇيەسىندەگى ەڭ الىپ پلانەتا دەپ يۋپيتەر سانالىپ كەلگەن بولاتىن.

 ءبىراق عالىمدار زەرتتەۋ ناتيجەسىندە تاعى دا ءبىر الىپ پلانەتا تاپتى. ول يۋپيتەردەن 28,5 ەسە ۇلكەن. تانىس بولىڭىز، بۇل DENIS- P J 082303.1-491201 b دەپ اتالاتىن پلانەتا.

 ەڭ كىشكەنە پلانەتا ەڭ كىشكەنە پلانەتا مەركۋري دەپ وقىپ كەلدىڭىز بە، ەندەشە قاتەلەستىڭىز. ەڭ كىشكەنە پلانەتا Kepler-37b دەپ اتالادى.

ەڭ كارى پلانەتا ەڭ كارى پلانەتاعا وسىدان 12,7 ميلليارد جىل بۇرىن پايدا بولعان PRS B1620-26 b پلانەتاسى جاتادى.

 ەڭ جاس پلانەتا V830 Tauri دەپ اتالاتىن بۇل پلانەتا - ەڭ جاس پلانەتا. ونىڭ جاسى - 2 ميلليون جىل.

Massaget.kz