تورەعالي سال اۋرۋىنا شالدىققان 6 جاسار ءبۇلدىرشىننىڭ ارمانىن ورىندادى
بۇل تۋرالى كەزدەسۋدى ۇيىمداستىرعان «زەكەت» قورىنىڭ استانا قالاسىنداعى وكىلدىگىنەن حابارلاندى، دەپ جازادى Stan.kz.
قور وكىلىنىڭ ايتۋىنشا، تورەعاليدى ءسۇيىپ تىڭدايتىن اقباياننىڭ ءوزى دە ءان ايتقاندى جاقسى كورەدى.
ءبىر وكىنىشتىسى، 6 جاسار اقبايان سەرەبرالدى سال دەرتىنە شالدىققان.
«جۋىردا زەكەت قورى استانا وكىلدىگى ون مۇقتاج ادامعا مۇگەدەك ارباسىن سىيعا تارتقان ەدى. تىزىمدە كىشكەنتاي اقبايان دا بار بولاتىن. سول سىيدى تابىستاپ جاتقاندا اق جارقىن، جاتتى جاتىرقامايتىن، پەيىلى كەڭ قىزدىڭ ارمانى - ءانشى اعاسى تورەعالي تورەالىمەن كەزدەسۋ ەكەندىگىن بىلدىك. ءسويتىپ بالاپاننىڭ ارمانى ورىندالسىن دەپ تورەعاليگە حابارلاستىق. كىشكەنتاي بالاپاننىڭ ۇلكەن ارمانىڭ ايتقانىمىزدا تورەعالي بىردەن كەلىستى. وسىلايشا، قاسيەتتى رامازان ايىندا اقباياننىڭ ارمانى ورىندالىپ، ءانشى اعاسىنىڭ بەتىنەن ءسۇيىپ، سەلفي جاساپ، قۋانىپ قالدى» ، - دەيدى قور وكىلى.