08:45, 07 - قاڭتار 2017 | GMT +5
تۇركيادا مەملەكەتتىك توڭكەرىس ارەكەتىنەن كەيىن تاعى 6 مىڭ ادام جۇمىسىنان ايىرىلدى
استانا. قازاقپارات - تۇرىك بيلىگى 2016 -جىلعى شىلدەدە ورىن العان ەلدە مەملەكەتتىك توڭكەرىس جاساۋ ارەكەتىنە قاتىسى بار كۇدىكتىلەردى جۇمىستان شىعارۋدى جالعاستىرۋدا. تاعى 6 مىڭ ادام جۇمىسىنان ايىرىلدى، دەپ حابارلادى لايف. رۋ.

اڭگىمە 2687 پوليسەي، 1699 ادىلەت مينيسترلىگىنىڭ قىزمەتكەرى، 838 دەنساۋلىق ساقتاۋ قىزمەتكەرى، 630 عالىم جانە 135 ءدىن قايراتكەرلەرى جايىندا.
مەملەكەتتىك توڭكەرىس ارەكەتىنەن كەيىن بارلىعى 120 مىڭ ادام جۇمىسسىز قالسا، 41 مىڭنان استام ادام باس بوستاندىعىنان ايىرىلدى.