قىسقى ۋنيۆەرسياداعا قاتىسۋعا 6 مىڭنان استام ەرىكتى ءوتىنىم بەردى
بۇل تۋرالى الماتى اكىمدىگىنىڭ باسپا ءسوز قىزمەتى حابارلادى.
«بۇگىندە ۋنيۆەرسيادا سايتىنا الىس جانە جاقىن شەتەلدەن، قازاقستاننان 6185 ءوتىنىش تىركەلدى، بۇل سۇرانىستان ەكى ەسەگە اسىپ تۇسەدى»، - بۇل تۋرالى الماتى اكىمى باۋىرجان بايبەك 2017 -جىلعى 28- دۇنيەجۇزىلىك قىسقى وليمپياداعا دايىندىق بويىنشا وتكەن كوشپەلى ءماجىلىس بارىسىندا ايتتى.
ونىڭ ايتۋىنشا، الماتىنىڭ 15 ج و و- مەن ەرىكتىلەر جيناپ، وقىتۋ باعدارلاماسى ازىرلەندى. ەرىكتىلەردى ىرىكتەۋ كەزىندە باسىمدىق ءىرى سپورت شارالارىندا ەرىكتىلىك تاجىريبەسى بار، اعىلشىن جانە باسقا دا تىلدەردى بىلەتىن ۇمىتكەرلەرگە باسىمدىق بەرىلەدى. ۋنيۆەرسيادانى دايىنداۋ جانە وتكىزۋ بويىنشا ديرەكسيا اقپاراتىنا سايكەس ستۋدەنتتەر جارىسىندا رەسەي، ا ق ش، گەرمانيا، بەلارۋس، پولشا، كورەيا، قىتاي، ۇلى بريتانيا سياقتى ەلدەردەن ەرىكتىلەر قىزىعۋشىلىق تانىتۋدا. بۇدان باسقا، جاستار اراسىندا ۋنيۆەرسيادا ەلشىلەرى رەتىندە قوعامدىق پىكىر كوشباسشىلارى تارتىلۋدا.
بۇگىندە ۋنيۆەرسيادا ەلشىدەرى: جۇزگىش دميتري بالاندين، بوكسشى - قانات يسلام، داريعا شاكىموۆا، ارتىستەر - قىدىرالى بولمان، جانار ايجانوۆا، ءالي وقاپوۆ، نۇرتاس ادامبايەۆ، مۇرات مۇتۇرعانوۆ، ارتۋر تولەپوۆ، بەلگىلى بايكەر دميتري پەترۋحين.
ەسكە سالساق، ۋنيۆەرسيادا 2017 -جىلى 29 -قاڭتار-8 -اقپان ارالىعىندا وتەدى. 11 كۇن ىشىندە 86 مەدال ۇتىسىمەن سپورتتىڭ 12 تۇرىنەن جارىس وتەدى. ويىنعا 8 سپورت نىسانى جۇمىلدىرىلدى: «الماتى ارەنا»، «حالىق ارەنا»، «شىمبۇلاق»، «مەدەۋ»، «سۇڭقار» ترامپلينى، ب. شولاق اتىنداعى سپورت سارايى، «الاتاۋ» شاڭعى- بياتلون ستاديونى جانە «تاباعان» كەشەنى، اتلەتيكالىق اۋىل - تۇرۋعا ارنالعان.
