ا ق ش- تا 6 ادام زيكا ۆيرۋسىن جۇقتىرعان

استانا. قازاقپارات - ا ق ش- تا زيكا ۆيرۋسىن جۇقتىرعان 6 ادام تىركەلدى، دەپ حابارلايدى Fox News تەلەارناسى.

ەلدىڭ دەنساۋلىق ساقتاۋ سالاسى ماماندارىنىڭ ايتۋىنشا، نيۋ-يورك شتاتىندا 4 سىرقات تىركەلگەن.

ۆيرۋس جۇقتىرعان تاعى ءبىر ادام اركانزاس شتاتىنان. سىرقاتتىڭ تاياۋدا عانا شەتەلگە بارىپ كەلگەنى انىقتالعان.

امەريكادا زيكا ۆيرۋسىن جۇقتىرۋدىڭ تاعى ءبىر وقيعاسى ۆيردجينيا شتاتىندا تىركەلگەن. ول دا شەتەلگە ساپارعا بارىپ كەلگەنى بەلگىلى بولدى.

زيكا ۆيرۋسى ادامعا ماسالار شاققان كەزدە جۇعادى. ۆيرۋس جاتىرداعى بالانىڭ ميىن زاقىمدايدى.

زيكا ىندەتىنىڭ تابيعي تارالۋ ايماعى - ازيا مەن افريكانىڭ تروپيكالىق وڭىرلەرى.