عالامشاردىڭ 6 ميللياردىنشى تۇرعىنى الماتىدا تۇرادى

استانا. قازاقپارات - 1999 -جىلى ب ۇ ۇ شەشىمىمەن جەر عالامشارىنىڭ 6 ميللياردىنشى تۇرعىنى دەپ تانىلعان الماتىلىق ءرابيا ەرمۇحانوۆا قازىر 16 جاستا.

حالىقارالىق بەيرەسمي اتاققا يە بولعان ءرابياعاعا بۇگىن الماتى قازاقستان ازاماتىنىڭ جەكە ءتولقۇجاتى سالتاناتتى تۇردە تابىستالدى. مۇراعاتقا اينالعان ساتكە 16 جىل بۇرىن ءبىزدىڭ تىلشىلەرىمىز دە كۋا بولعان ەدى. دۇنيە ەسىگىن جاڭا اشقان سابيگە ساتتىلىك سەرىك بولىپ، عالامشاردىڭ 6 ميللياردىنشى تۇرعىنىنا تۋۋ تۋرالى كۋالىك پەن ەسكەرتكىش بەلگى بەرىلگەن بولاتىن.

ماماندىعى جۋرناليست ماناربەك ەرمۇحانوۆ پەن ونىڭ زايىبى الماگۇلدىڭ 7 جىل كۇتكەن تۇڭعىشتارى وزىمەن بىرگە وسىنداي ەرەكشە قۋانىش الا كەلدى.

ماناربەك ەرمۇحانوۆ، ءرابيانىڭ اكەسى (1999 -جىل):

- بالامىز وسى 12 -قاراشا كۇنى تۋىلىپ، 6 ميللياردتىڭ ىشىنە كىرەدى دەپ ويلاعان جوقپىز. باقىتتى وتباسىندا بۇگىن تاعى قۋانىش. №111 -مەكتەپ- گيمنازيانىڭ 10-سىنىپ وقۋشىسى ءرابيا ەرمۇحانوۆا كامەلەتتىك جاسقا تولدى.  قىزىنىڭ رەسمي تۇردە ءتولقۇجاتىن الۋعا كەلگەن اتا- اناسى كەزدەيسوق ساتتىلىكتىڭ دە سالماعى بار دەيدى.

ماناربەك ەرمۇحانوۆ، ءرابيانىڭ اكەسى:

- جاۋاپكەرشىلىك وتە جوعارى بولادى دەپ ەسەپتەيمىن. نەگە دەسەڭىز، بۇل اتاق بەيرەسمي تۇردە بولسا دا، وسىنداي ءوزىنىڭ ەلىن بيىكتەن كورسەتۋگە تالپىندىرادى دەپ ويلايمىن. دارىندى ءرابيانىڭ بۇگىندە جەتىستىكتەرى دە از ەمەس. بىرنەشە رەسپۋبليكالىق وليمپيادالاردىڭ جۇلدەگەرى، ارمانى دا اۋقىمدى.

ءرابيا ەرمۇحانوۆا، جەر عالامشارىنىڭ 6 ميللياردىنشى تۇرعىنى:

- بيىل كوكتەمدە گەوگرافيادان رەسپۋبليكالىق وليمپيادادان جۇلدەلى ورىندى يەلەندىم. بۇل مەنىڭ ارمانىما جەتەلەگەن العاشقى بەلەستىڭ ءبىرى دەپ بىلەمىن. بولاشاقتا لاندشاف- ديزاينەرى بولعىم كەلەدى.

ماناربەك پەن الماگۇلدىڭ وتباسىندا ءرابيادان باسقا قىزى ناري مەن ۇلدارى ءانۋار، مانسۇر ءوسىپ كەلەدى. اتا-اناسى ولاردىڭ بولاشاعىنان دا زور ءۇمىت كۇتەدى.

www.24.kz