سۇڭگۋىرشىلەر چاڭجياڭ وزەنىندە سۋعا باتقان كەمەدەن ازىرگە 6 ادامدى شىعاردى

استانا. قازاقپارات - چاڭجياڭ وزەنىندە سۋعا باتىپ كەتكەن «شىعىس جۇلدىزى» كەمەسىنىڭ جولاۋشىلارىن قۇتقارۋعا ءبىر مىڭعا جۋىق قۇتقارۋشىلار مەن 54 كاتەر جۇمىلدىرىلعان.

 

قىتايلىق اسكەري-تەڭىز كۇشتەرى وقيعا ورنىنا 140 سۇڭگۋىردەن قۇرىلعان كوماندانى جىبەردى.

ولار سۋعا باتىپ كەتكەن كەمەدە ءتىرى قالعان كەم دەگەندە التى ادامدى تاپتى. قازىرگى كەزدە ادامداردى سۋدان شىعارۋ ارەكەتتەرى باستالدى، دەپ حابارلايدى «جەنمين جيباو» گازەتى.

ازىرگە، قۇتقارىلعان 18 ادام تۋرالى بەلگىلى - ولاردىڭ كوبى جاعاعا دەيىن وزدەرى ءجۇزىپ كەلدى. كەمەدە بولعان بەس ادامنىڭ قازا تاپقانى راستالدى، دەپ جازادى «مەدۋزا».

قۇتقارۋ جۇمىستارىن ق ح ر مەملەكەتتىك كەڭەسىنىڭ پرەمەرى لي كىشياڭ باسقارىپ وتىر.

ەستەرىڭىزگە سالا كەتەيىك، دۇيسەنبى كۇنى بەيجىڭ ۋاقىتى بويىنشا شامامەن ساعات 21:30 دا چاڭجياڭ وزەنىندە شىعىس قىتايدىڭ جياڭسۋ پروۆينتسياسىنىڭ اكىمشىلىك ورتالىعى نانكين قالاسىنان چۋنتسينعا (وڭتۇستىك-باتىس قىتاي) بارا جاتقان كەمە اپاتقا ۇشىرادى. ونىڭ ىشىندە 458 ادام بولعان، سونىڭ ىشىندە 406 تۋريست، تۋريستىك كومپانيانىڭ 5 قىزمەتكەرى جانە ەكيپاجدىڭ 47 مۇشەسى بولعان. وقيعا اۋا رايىنىڭ قولايسىزدىعىنان، قۇيىننان بولعان دەگەن بولجام ايتىلدى.